تحریک پاکستان کے عظیم رہنما سردار عبدالرب نشتر کی59ویں برسی کل منائی جائے گی

اتوار 12 فروری 2017 13:30

جہانیاں(اُردو پوائنٹ اخبارتازہ ترین - آن لائن۔ 12 فروری2017ء) تحریک پاکستان کے عظیم رہنما سردار عبدالرب نشتر کی59ویں برسی کل(منگل) کو منائی جائے گی اس سلسلے میں جہانیاں سمیت ملک بھر میں مسلم لیگ اور دیگر تنظیموں کے زیر اہتمام مختلف تقریبات کا اہتمام کیا جائے گا جن میں مقررین اس عظیم رہنما کی وطن عزیز کیلئے پیش کی گئی خدمات کو خراج عقیدت پیش کریں گے۔

(جاری ہے)

سردار عبدالرب نشتر کا شمار بانی پاکستان حضرت قائد اعظم محمد علی جناح کے انتہائی بااعتماد ساتھیوں میں ہوتا ہے وہ صوبہ پنجاب کے پہلے گورنر تھے۔سردار عبدالرب نشتر 14فروری 1958کو انتقال کر گئے تھے جنوبی پنجاب کے اہم ترین شہر ملتان میں سب سے بڑے ہسپتال نشتر ہسپتال کا سنگ بنیاد سردار عبد الرب نشتر نے رکھا تھا یہ ہسپتال کراچی کا نشتر میڈیکل کالج اور نشتر پارک بھی ان کے نام کے ساتھ منسوب ہیں۔