تحریک آزادی کشمیر میں تیزی دیکھ کر ہندوستان پریشان ہے ،راجہ فاروق حیدر خان
مقبوضہ کشمیر میں ساڑھے سات لاکھ فوج کے باوجود تحریک آزادی کشمیر کیلئے جدوجہد میں کمی نہیں آئی جنگ کسی بھی مسئلے کا حل نہیں ، مسئلہ کشمیر کا پرامن حل چاہتے ہیں، وزیراعظم آزاد کشمیرکا قانون ساز اسمبلی میں اظہار خیال
پیر 27 فروری 2017 19:07
(جاری ہے)
آزادکشمیر میں پولیس کی استعداد کار کوبڑھانے کے لیے وفاقی حکومت فنڈز فراہم کر رہی ہے،پولیس کو جدید خطوط پر استوار کریں گے۔
ان خیالات کا اظہار انہوں نے پیر کے روز آزادجموںو کشمیر قانون ساز اسمبلی اجلاس کے دوران اظہار خیال کرتے ہوئے کیا۔ انہوں نے کہا کہ ممبران اسمبلی کی مثبت تجاویز کو قدر کی نگاہ سے دیکھتے ہیں ۔ہمارے لیے ساری سیاسی قیادت قابل احترام ہے ،اپوزیشن کی مینڈیٹ کا بھی احترام کرتے ہیں۔انہوں نے کہا کہ ہماری حکومت کی مثبت پالیسیوں کی وجہ سے آج پبلک سروس کمیشن کے ذریعے میرٹ پر لوگ بھرتی ہو رہے ہیں۔اپوزیشن گرینڈ الائنس بنائے یا جو بھی حربہ استعمال کرے ہم کسی سے بلیک میل نہیں ہونگے۔ کسی سے انتقام نہیں لیں گے لیکن احتساب سے کوئی نہیں بچ سکتا۔ وزیر اعظم نے کہا کہ ملک میں حالیہ دہشتگردی 9/11کے بعد غیر منتخب حکمران کی غلط پالیسیوں کی وجہ سے سے ہے۔جس نے اپنے اقتدار کو طول دینے کی خاطر غلط فیصلے کیے جن کی سزا آج پوری قوم بھگت رہی ہے۔انہوںنے کہا کہ پاکستان کے دشمن اسوقت مشرق ،مغرب اور اسکے اندر بھی موجود ہیں۔پاکستان میں جو نئی مثبت تبدیلیاں آرہی ہیں ان سے ہمارے دشمن خائف ہیںاور ہمارے پرانے حلیف بھی ان سے نالاں ہیں۔پاکستان کی جغرافیائی اہمیت ہمارے دشمنوں کو پسند نہیں۔ اس نازک دور میں پوری قوم کو اکٹھا ہو کر دشمن کا مقابلہ کرنا ہوگا اور سیاسی جماعتوں کو سیاست سے بالا تر ہوکر تمام سازشیں ناکام بنانا ہونگی۔وزیر اعظم نے کہا کہ صوبوں کو لڑانے والوں کے چہرے بے نقاب ہونے چاہیں اور انہیں سزا ملنی چاہیے۔ انہوں نے کہا کہ مقبوضہ کشمیر میں ساڑھے سات لاکھ فوج کے باوجود تحریک آزادی کشمیر کے لیے جدوجہد میں کمی نہیں آئی جس کیوجہ سے ہندوستان سخت پریشن ہے۔وزیر اعظم آزادحکومت ریاست جموں وکشمیر راجہ محمد فاروق حیدر خان نے کہا کہ کانگریس بھارت کا چہرہ جبکہ بی جے پی اسکا دماغ ہے۔ ان دونوںمیں کوئی خاص فرق نہیں ہے دونوں ہمارے دشمن ہیں۔ نیوکلیئر سپلائرز گروپ میں شمولیت میں ناکامی ہماری کامیاب خارجہ پالیسی کا نتیجہ ہے۔انہوں نے کہا کہ ملک سے دہشتگردی کی لعنت کو ختم کرنے کیلئے سب کو متحد ہو کر کردار ادا کر نے کی ضڑورت ہے ۔دہشتگردوں کی سرکوبی کیلئے جاری آپریشن ملک سے آخری دہشتگرد کے خاتمے تک جاری رہے گا۔حکومت آزادکشمیر اپنے محدود وسائل کے اندر رہتے ہوئے ذمہ داریوں سے آگاہ کے ۔سوا دو ارب روپے کی لاگت آزادکشمیر پولیس میں اضافے کے ساتھ اس کی ضروریات کو پورا کیا جائے گا ۔وزیر اعظم نے کہا کہ پاکستان کے دشمن اسکی ترقی اور خوشحالی کے خلاف ہیں اور ملک کو کمزور کرنے کیلئے دہشتگردی کروا رہے ہیں ۔اس کیلئے ساری قوم کو متحد و منظم ہو کر مقابلہ کرنا ہے ۔انہوں نے کہا کہ کشمیریوں کی منزل مضبوط و مستحکم پاکستان ہے ۔راجہ فاروق حیدر خان نے کہا کہ کشمیرکی تحریک خالصتاً کشمیریوں کی اپنی ہے ۔ایک انسان بھی باہر سے شامل نہیں ۔انہوں نے کہا کہ اپوزیشن حکومت کے اچھے اقدامات کو سپورٹ کرے ۔آزادکشمیر کے سرحدی علاقوں میں افواج پاکستان کے ساتھ آزادکشمیر رینجرز پولیس شانہ بشانہ ہے ۔آزادکشمیر میں تعصب کی باتیں نہ کی جائیں ۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.