کرکٹ آسٹریلیا کا انجرڈ مچل سٹارک کی جگہ پیٹ کمنز کو بھارت بھیجنے کا فیصلہ

ہفتہ 11 مارچ 2017 11:35

سڈنی ۔ (اُردو پوائنٹ اخبارتازہ ترین - اے پی پی۔ 11 مارچ2017ء) کرکٹ آسٹریلیا نے انجرڈ مچل سٹارک کی جگہ پیٹ کمنز کو بارڈر گواسکر سیریز کے بقیہ میچز میں شرکت کیلئے بھارت بھیجنے کا فیصلہ کیا ہے۔

(جاری ہے)

مچل سٹارک بنگلور ٹیسٹ میں پائوں کی انجری میں مبتلا ہوگئے تھے، 23 سالہ کمنز کو ان کے متبادل کے طور پر بھارت بھیجنے کا فیصلہ کیا گیا ہے اور وہ سیریز کے بقیہ دو میچوں میں آسٹریلوی ٹیم کا حصہ ہوں گے، انہوں نے ابھی تک آسٹریلیا کی جانب سے ایک ٹیسٹ میچ کھیلا ہے جس میں انہوں نے 7 وکٹیں حاصل کیں۔ بھارت اور آسٹریلیا کے درمیان چار ٹیسٹ میچوں کی سیریز 1-1 سے برابر ہے، دونوں ٹیموں کے درمیان تیسرا ٹیسٹ 16 مارچ سے رانچی میں شروع ہوگا۔