بھارت کو اینٹ کا جواب پتھر سے دیاجائے
کشمیر میں بھارتی فوج مظالم ڈھا رہی ہے،کسی مہمان کھلاڑی کو پھٹیچر کہنا بدتمیزی ہے ، شریف فیملی کا کوئی ریکارڈ غائب نہیں کروایا، یہ انہوں نے خود غائب کیا ہوگا ،الزام مجھ پر لگا رہے ہیں،، قطر میں فٹبال ورلڈ کپ کیلئے پاک فوج کو سیکیورٹی نہیں دینی چاہیے ،پاکستان میں مختلف طرف کی دہشتگردی کی جا رہی ہے ،آپریشن ردالفساد دہشت گردی کے خلاف اچھا اقدام ہے ، دوران حراست اسحاق ڈار پر کوئی دبائو نہیں تھا ،وہ فوجیوں کے ساتھ والی بال کھیلتے تھے آل پاکستان مسلم لیگ کے سربراہ جنرل (ر) پرویز مشرف کا نجی ٹی وی کو انٹرویو
ہفتہ 11 مارچ 2017 22:20
(جاری ہے)
انہوں نے کہا ہے کہ میں شریف فیملی کا کوئی ریکارڈ غائب نہیں کروایا، یہ انہوں نے خود غائب کیا ہوگا اور الزام مجھ پر لگا رہے ہیں ، پاکستان میں مختلف طرف کی دہشت گردی کی جا رہی ہے ، پاکستان کو اندرونی اور بیرونی عناصر سے یکساں خطرہ ہے ۔انہوں نے کہا کہ بیرونی دشمن اندرونی عناصر کو پاکستان کے خلاف استعمال کر رہے ہیں ، آپریشن ردالفساد دہشت گردی کے خلاف اچھا اقدام ہے ، دہشت گردی کے مکمل خاتمے تک ان کے خلاف آپریشن جاری رہنا چاہیے اور پاکستان کے تمام صوبوں میں دہشت گردی کے خلاف آپریشن کرنا چاہیے۔
پرویز مشرف نے کہا کہ پاکستان پر افغانستان میں دہشت گردی کی کاروائیاں کروانے کا الزام سراسر غلط ہے ، پاکستان نے افغانستان میں استحکام کیلئے پوری کوششیں کی ہیں مگر افغانستان نے ہمیشہ بھارت کا ساتھ دیا ۔ سربراہ اے پی ایم ایل نے کہا کہ اسحاق ڈار نے اپنی مرضی سے شریف خاندان کی کرپشن کے متعلق بیان حلفی دیا۔ دوران حراست اسحاق ڈار پر کوئی پریشر نہیں تھا وہ فوجیوں کے ساتھ والی بال کھیلتے تھے ۔ پرویز مشرف نے کہا کہ بھارت کے معاملے میں اینٹ کا جواب پتھر سے دینا چاہیے ، کشمیر میں بھارتی فوج مظالم ڈھا رہی ہے ، جنرل محمود درانی کے بھارت میں دیے گئے بیان کے ممبئی حملے میں ملوث گروپ کا تعلق پاکستان سے ہے کو میں نہیں مانتا ، یہ سراسر جھوٹا الزام ہے ،ممبئی حملے میں پاکستان کا کوئی گروپ ملوث نہیں تھا ، اجمل قصاب سے بیان دبائو پر لیا گیا ہوگا ۔انہوں نے کہا کہ ہمیں بھی پراکسی وار کے جواب میں پراکسی وار لڑنی چاہیئے ،کشمیر میں آزادی کیلئے لڑنے والوں کو مجاہدین سمجھتا ہوں ، لشکر طیبہ عسکری کاروائیوں میں ملوث تھی اس لئے میں نے اپنے دور میں اس پر پابندی لگا دی تھی ۔ سابق صدر نے کہا کہ ہمیں گرفتار بھارتی ایجنٹ کلبھوشن یادیو کے معاملے پر عالمی سطح پر اٹھانا چاہیے اور بھارتی خفیہ ایجنسی ’’را‘‘ کا اصل چہرہ پوری دنیا کو دکھانا چاہیے کہ وہ کیسے پاکستان میں دہشت گردی کروانے میں ملوث ہے ۔ عمران خان کے غیر ملکی کھلاڑیوں کو پھٹیچر کہنے کے متعلق سوال کے جواب میں پرویز مشرف نے کہا کہ کسی بھی مہمان کے متعلق ایسے الفاظ استعمال کرنا بدتمیزی کے زمرے میں آتا ہے ، ایسا شخص جو وزیراعظم کی کرسی کا امیدوار ہو اس کو ایسے الفاظ استعمال نہیں کرنے چاہیئں ،اگر عمران خان وزیراعظم بنے تو انہیں مبارکباد دوں گا مگر انہیں کسی بھی کھلاڑی کے متعلق ایسے نا مناسب الفاظ استعمال نہیں کرنے چاہیئں ۔ ایک اور سوال کے جواب میں انہوں نے کہا کہ قطر میں فٹبال ورلڈ کپ کیلئے پاک فوج کو سیکیورٹی نہیں دینی چاہیئے ۔پرویز مشرف نے کہا کہ مناسب وقت پر وطن واپسی کا فیصلہ کروں گا ، میں جلد سے جلد پاکستان آنا چاہتا ہوں مگر سیاسی نوعیت کے کیسز آڑے آرہے ہیں ، وطن واپسی کا فیصلہ حالات کو دیکھ کر ہی کروں گا ۔مزید بین الاقوامی خبریں
-
سعودی عرب میں زبردست بارشوں کی پیشن گوئی
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.