وزیراعظم کیخلاف سپریم کورٹ کےفیصلےپراپیل میں بھی نہیں جائینگے،مریم اورنگزیب

اسلام آباد(اردوپوائنٹ اخبارتازہ ترین۔13مارچ2017ء) :وزیرمملکت برائے اطلاعات ونشریات مریم اورنگزیب نے کہا ہے کہ وزیراعظم نوازشریف نے استثنیٰ حاصل ہونے کے باوجوداحتساب کیلئے پیش کیا،پاناماکے اوپرسیاست چمکائی گئی،وزیراعظم اورمریم نوازکامیڈیاٹرائل کیاگیالیکن ہم خاموش رہے،سوشل میڈیاپرمسلم لیگ (ن)کے خلاف منفی مہم چلائی گئی،جو کہ سائبرکرائم میں آتی۔

انہوں نے مسلم لیگ (ن)کے سینئررہنماء دانیال عزیزکے ہمراہ پریس کانفرنس کرتے ہوئے کہا کہ ہمیں عدالتوں پریقین ہے۔وزیراعظم کے خلاف سپریم کورٹ میں جوبھی فیصلہ ہوگا،ہمیں قبول ہوگااور وزیراعظم اپیل میں بھی نہیں جائیں گے۔انہوں نے کہا کہ مریم نوازنے پہلاہیلتھ کیئرپروگرام،یوتھ لون پروگرام لانچ کیا۔مریم نوازکی حیثیت کافیصلہ پاکستانی عوام نے کرناہے۔

(جاری ہے)

خواتین کیخلاف کسی بھی صورت گفتگوقبول نہیں کی جاسکتی۔مریم نے کہا کہ سوشل میڈیاپرمسلم لیگ (ن)کے خلاف منفی مہم چلائی گئی،جو کہ سائبرکرائم میں آتی ہے۔سوشل میڈیاپرضابطہ اخلاق سب کیلئے ہے۔ڈاکیومنٹری ہم بھی بناسکتے ہیں اور مہم بھی چلاسکتے ہیں۔فیصلہ آنے سے پہلے ہی پی ٹی آئی نے منفی پروپیگنڈاشروع کررکھاہے۔لیکن معززججزواضح کہہ چکے ہیں کہ کسی کے دباؤ میں نہیں آئیں گے۔انہوں نے کہا کہ 2013ء کی نسبت آج پاکستان خوشحال ہے۔پاکستان ترقی کررہاہے۔بجلی کی لوڈشیڈنگ ختم ہوگئی۔وزیراعظم نت نئے فیتے کاٹے جارہے ہیں۔لیکن ملک دشمنوں کوپاکستان کی ترقی برداشت نہیں ہورہی۔