معروف ادیب اور شاعرخلیل دانش کا تحریک انصاف میں شمولیت کااعلان

اتوار 26 مارچ 2017 19:10

دالبندین (اُردو پوائنٹ اخبارتازہ ترین - آئی این پی۔ 26 مارچ2017ء) معروف ادیب اور شاعر خلیل دانش نے پاکستان تحریک انصاف میں شمولیت اختیار کرلی۔ان خیالات کا اظہار انہوں نے اتوار کو پی ٹی آئی چاغی کے دالبندین میں واقع ضلعی سیکرٹریٹ میں کیا جہاں پی ٹی آئی کے ضلعی صدر ملک امان اللہ نوتیزئی، سینئر نائب صدر غلا قادر سنجرانی سمیت متعدد عہدیدار اور کارکن موجود تھے جنہوںنے خلیل دانش کو پاکستان تحریک انصاف میں شمولیت کرنے پر گرم جوشی سے خوش آمدید کہا۔

(جاری ہے)

اس موقع پر خلیل دانش نے کہا کہ وہ پی ٹی آئی کی وژن، جدوجہد اور ایماندار قیادت سے متاثر ہوکر اس میں شامل ہورہے ہیں۔ انہوںنے اس عزم کا اظہار کیا کہ وہ پارٹی کے منشور پر عمل پیر ا ہوکر قائد عمران خان اور سردار یار محمد رند کا پیغام گھر گھر پہنچائیں گے۔