بہاولنگر سب سے زیادہ کپاس پیدا کرنے والا ضلع بن گیا

بدھ 5 اپریل 2017 15:01

بہاولنگر سب سے زیادہ کپاس پیدا کرنے والا ضلع بن گیا
کراچی(اُردو پوائنٹ اخبارتازہ ترین - این این آئی۔ 05 اپریل2017ء)ملکی تاریخ میں پہلی بار ضلع بہاولنگر پاکستان بھر میں سب سے زیادہ کپاس پیدا کرنے والا ضلع بن گیا، اس سے پہلے ضلع رحیم یار خان کو یہ اعزاز حاصل تھا، جو اب گنے کی کاشت میں اضافے کے باعث پیچھے رہ گیا ۔

(جاری ہے)

پاکستان کاٹن جنرز ایسوسی ایشن کے چیئرمین احسان الحق نے بتایا کہ رواں برس بہاولنگر میں سب سے زیادہ کپاس 12 لاکھ 55 ہزار 150 بیلز پیدا ہوئیں اور دوسرے نمبر پر ضلع سانگھڑ میں کپاس کی پیداوار 12 لاکھ 30 ہزار 910 بیلز ریکارڈ کی گئی ہیں ۔کاٹن جنرز کے مطابق ضلع رحیم یار خان اور ضلع سانگھڑ میںپہلے سب سے زیادہ کپاس پیدا ہوتی تھی، لیکن وہاں اب گنے کی ریکارڈ کاشت کے باعث کپاس کی کاشت میں غیر معمولی کمی واقع ہو چکی ہے ۔