کراچی:پی ٹی آئی کے رکن قومی اسمبلی عارف علوی نے تلخی کلامی کے بعد ایس ایچ او درخشاں کی گردن پکڑ لی

جمعہ 7 اپریل 2017 18:35

کراچی(اُردو پوائنٹ اخبارتازہ ترین - آن لائن۔ 07 اپریل2017ء) پی ٹی آئی کے رکن قومی اسمبلی عارف علوی نے تلخی کلامی کے بعد ایس ایچ او درخشاں کی گردن پکڑ لی۔کراچی میں ڈیفنس اور کلفٹن کے رہائشیوں نے پانی کی بندش کے خلاف دوسرے روز بھی سی بی سی کے دفتر کے باہر احتجاج کیا گیا جس میں پی ٹی آِئی کے رہنما خرم شیر زمان،عارف علوی،ڈاکٹر سیما ضیاء اور ثمر علی بھی شامل تھے۔

(جاری ہے)

احتجاج کے شرکاء نے سی بی سی کے دفتر کے باہر مظاہرہ کیا جس کے بعد مظاہرین نے سی بی سی کے دفتر میں زبردستی داخل ہونے کی کوشش کی،اس دوران رکن قومی اسمبلی عارف علوی اور ایس ایچ او درخشاںکے درمیان تلخی کلامی ہوئی اور پی ٹی آئی رہنما نے ایس ایچ او کی گردن پکڑلی۔عارف علوی نے ایس ایچ او درخشاں کو دھکے بھی دئیے جس کے بعد پی ٹی آئی کے رکن صوبائی اسمبلی خرم شیر زمان نے معاملہ رفع دفع کرانے کی کوشش کی۔مظاہرین کے احتجاج پر ایڈیشنل سی ای او سی بی سی عارفین نے پی ٹی آئی کے رہنمائوں سے کامیاب مذاکرات کیے اور مطالبات پورے کرنے کی یقین دہانی پر مظاہرین نے احتجاج ختم کردیا گیا۔سی بی سی حکام کے مطابق بورڈ کی اگلی میٹنگ میں پانی کے مسئلے کو حل کرنے کی کوشش کریں گے۔