چودہ پندرہ سال سے عراق لیبیا شام میں امریکی مداخلت جاری ہے ،شام پر امریکی حملوں کو علیحدہ چیز تصور نہیں کرتا، حکومتی پالیسیوں سے اختلافات ہو سکتے ہیں لیکن ان ممالک کے مسلمانوں پر جو قیامت گزر رہی ہے وہ تاریخی باب ہے،پانامہ کیس کا فیصلہ آنے والا ہے ،پاکستان کی عدلیہ آزاد ہے ،پاناما کیس کا ہر فیصلہ قبول کریں گے

وزیر دفاع پانی وبجلی خواجہ محمدآصف کی صحافیوںسے گفتگو

اتوار 9 اپریل 2017 22:20

سیالکوٹ (اُردو پوائنٹ اخبارتازہ ترین - آئی این پی۔ 09 اپریل2017ء) وزیر دفاع پانی وبجلی خواجہ محمدآصف نے کہا ہے کہ چودہ پندرہ سال سے عراق لیبیا شام میں امریکی مداخلت جاری ہے اورشام پر امریکی حملوں کو میں علیحدہ چیز تصور نہیں کرتا۔

(جاری ہے)

حکومتی پالیسیوں سے اختلافات ہو سکتے ہیں لیکن ان ممالک کے مسلمانوں پر جو قیامت گزر رہی ہے وہ تاریخی باب ہے عراق اور لیبیا میں بھی آمریت کی حمائیت کسی نے نہیں کی تھی لیکن حکومتیں بدلنے کا بنیادی حق کسی اور ملک کو نہیں دیا جا سکتاان ممالک میں جو تباہی ہورہی ہے یہ ایسا المیہ ہے جس کا احتتام سامنے نہیں آرہامسلم اٴْمّہ کو ایسے معاملات خود طے کرنے چاہییںان خیالات کا اظہار انہوں نے اپنی رہائیش گاہ پر صحافیوں سے گفتگوکرتے ہوئے کیا انہوں نے کہا کہ پانی کی کمی کی وجہ سے چند روز قبل بجلی کا بحران آیا تھا اب حالات بہتر ہیں رمضان میں ہماری کوشش ہو گی کہ عوام کو غیر اعلانیہ لوڈ شیڈنگ کا سامنا نہ کرنا پڑے تاکہ عوام سحر افطار کا اہتمام سکون سے کرسکیںخواجہ محمد آصف نے مزید کہا کہ پانامہ کیس کا فیصلہ آنے والا ہے عدلیہ آزاد ہے جو فیصلہ آئے گا اسے قبول کرینگے پانامہ میں عمران خان نے جو میٹریل دیا ہے یا نہیں دیااب فیصلے کی گھڑی ہے ان کا اب اس سے کوئی تعلق نہیں وزیر اعظم بننے کی خواہش پر کسی پر پابندی نہیں لگائی جا سکتی عمران خان نے جنرل مشرف دور میں بھی ان کے در پر حاضریاں دی تھیں لیکن ان کے خواب شرمندہ تعبیر نہ ہوئے اب بھی اقتدار میں آنے کے لیے مختلف کوششیں کر رہے ہیں۔

Facebook Twitter Google + Share on Whatsapp

وزیر دفاع پانی وبجلی خواجہ محمدآصف کی صحافیوںسے گفتگو

متعلقہ عنوان :

مزید اہم خبریں