راولاکوٹ :ضلع پونچھ میں پولیو مہم کا باقاعدہ افتتاح کر دیاگیا

ڈپٹی کمشنر پونچھ راجہ طاہر ممتاز نے ڈی ایچ او آفس راولاکوٹ میں بچوں کو پولیو کے قطرے پلا کر اس مہم کا باقاعدہ افتتاح کیا

پیر 17 اپریل 2017 21:10

راولاکوٹ (اُردو پوائنٹ اخبارتازہ ترین - آن لائن۔ 17 اپریل2017ء) ضلع پونچھ میں پولیو مہم کا باقاعدہ افتتاح کر دیاگیا ہے ۔ سوموار کے روز ڈپٹی کمشنر پونچھ راجہ طاہر ممتاز نے ڈی ایچ او آفس راولاکوٹ میں بچوں کو پولیو کے قطرے پلا کر اس مہم کا باقاعدہ افتتاح کیا ۔ڈی ایچ او پونچھ ڈاکٹر داود خان نے اس موقع پر گفتگو کرتے ہوئے کہا کہ اللہ کے فضل و کرم سے آزادکشمیر اس وقت پولیو فری ہے ۔

گزشتہ کئی سالوں سے آزادکشمیر میں پولیو کا کوئی کیس رجسٹرڈ نہیں ہوا ۔

(جاری ہے)

یہ سب محکمہ صحت کے ملازمین کی محنت و کاوش کا نتیجہ ہے کہ ہم پولیو جیسے موذی مرض سے محفو ظ ہیں پولیو مہم سات اپریل سے 19اپریل تک جاری رہے گی اس دوران محکمہ صحت کی ٹیمیں گھر گھر جا کر بچوں کو پولیو کے قطرے پلائیں گی بچوں کے والدین اور ورثا پولیو ٹیموں سے تعاون کریں تاکہ کوئی بچہ قطرے پینے سے محروم نہ رہے انہوں نے کہاکہ کسی کو پولیو مہم کے حوالے سے شکایت ہو یا کسی جگہ پولیو اہلکار نہیں پہنچتے تو اس کی بروقت اطلاع ڈی ایچ آفس راولاکوٹ کے کنٹرول لائن کو دی جائے تاکہ شکایات کا بروقت ازالہ ہو سکے ۔ اس موقع پر ایس ڈی او ظفر خان، شہزاد خالد اور دیگر بھی موجود تھے