گندم کی کٹائی اور تھریشننگ کے دوران اڑنے والا گردو غبار ڈسٹ الرجی کا باعث بن سکتاہے۔ ماہرین طب

منگل 18 اپریل 2017 15:34

فیصل آباد۔ (اُردو پوائنٹ اخبارتازہ ترین - اے پی پی۔ 18 اپریل2017ء)پنجاب میڈیکل کالج فیصل آباد اور الائیڈ ہسپتال فیصل آباد کے ماہرین طب نے کہا ہے کہ گندم کی کٹائی اور تھریشننگ کے دوران اڑنے والا گردو غبار ڈسٹ الرجی کا باعث بن سکتاہے لہٰذا دمہ ، سانس ، دل کے مریض گندم کی کٹائی اور تھریشننگ کے پاس جانے سے گریز کریں کیونکہ اس سے جہاں ان کے امراض میں پیچید گی پیدا ہو سکتی ہے وہیں موت واقع ہونے کا بھی خدشہ ہوتا ہے۔

(جاری ہے)

ایک ملاقات کے دوران انہوںنے بتایا کہ گندم کی فصل کی کٹائی اور تھریشننگ کے دوران سانس کی بیماریوں میں بھی شدت آجاتی ہے جس سے یہ امراض خطر ناک صورت حال اختیار کر سکتے ہیں۔انہوںنے کہا کہ جو افراد ڈسٹ الرجی میں مبتلا ہیں وہ بھی گندم کے قریب مت جائیں تاہم تھریشننگ کے بعد جب گردو غبار ختم ہو جائے تو وہ معمول کی سرگرمیاں شروع کر سکتے ہیں۔

Facebook Twitter Google + Share on Whatsapp

گندم کی کٹائی اور تھریشننگ کے دوران اڑنے والا گردو غبار ڈسٹ الرجی کا باعث بن سکتاہے۔ ماہرین طب

مزید تجارتی خبریں