کپاس کے کاشتکاروں کو فصل کوخطر ناک حشرات سے بچانے کی ہدایت

فیصل آباد۔ (اُردو پوائنٹ اخبارتازہ ترین - اے پی پی۔ 08 مئی2017ء)ماہرین زراعت نے کہاہے کہ کپاس کی فصل پر 15اقسام کے حشرات کا حملہ ہو سکتا ہے جن میں امریکن سنڈی، گلابی سنڈی، چتکبری سنڈی، لشکری سنڈی سب سے زیادہ خطرناک ہیں لہٰذا کپاس کے کاشتکار منظور شدہ اقسام کے علاوہ غیر منظور شدہ اقسام کاشت کرنے سے گریز کریں تاکہ انہیں کسی مشکل یا پریشانی کا سامنا نہ کرنا پڑے۔

(جاری ہے)

ایک ملاقات کے دوران انہوںنے بتا یا کہ کپاس کی منظور شدہ بی ٹی اقسام میں آئی آر 3701، علی اکبر 703، ایم جی 6،ستارہ 008،ایف ایچ 113، نیلم 121،علی اکبر 802، آئی آر 1524، جی این ہائبرڈ 2085 وغیرہ بہترین پیداوار فراہم کرنے کی صلاحیت رکھتی ہیں۔انہوںنے کہا کہ ایم این ایچ 814بھی گرمی برداشت کرنے والی وائرس کے خلاف بھر پور قوت مدافعت کی حامل قسم ہے ۔انہوں نے کپاس کے کاشتکاروں کو ہدائت کی کہ وہ پنجاب سیڈ کارپوریشن یا کسی بااعتبار کمپنی کے منظور شدہ ڈیلر سے تصدیق شدہ بیج حاصل کریں تاکہ بہتر پیداوار کا حصول ممکن ہو سکے۔انہوںنے کہا کہ کلراٹھی ، تھور باڑہ اور سیم زدہ زمین میں کپاس کی کاشت سے گریز کیا جائے۔