پاکستان بھارتی درخواست اور عالمی عدالت انصاف کے دائرہ اختیار کا جائزہ لے رہے رہا ہے- افغانستان اور ایران پاکستان کے دشمن نہیں بلکہ دوست ممالک ہیں ان کے ساتھ ”بارڈر مینجمنٹ“بہت ضروری ہے۔پاک ایران بارڈر کمیشن تشکیل دے دیا گیا ہے اور ایک ماہ کے اندر اس کمیشن کا اجلاس ہو گا-مشیرامورخارجہ سرتاج عزیز
میاں محمد ندیم بدھ 10 مئی 2017 16:10
(جاری ہے)
پاکستانی لڑکے سے شادی کی غرض سے پاکستان آنے والی بھارتی خاتون عظمیٰ کے حوالے سے سرتاج عزیز نے کہا کہ عظمی کے سفری دستاویزات کا مسلہ نہیں بلکہ یہ معاملہ قانونی ہے، قانونی پیچیدگیاں دور ہوتے ہی عظمٰی کو بھارت بجھوا دیا جائے گا۔
شنگھائی تعاون تنظیم کے اجلاس میں پاک بھارت وزرائے اعظم کی ملاقات کے امکان کے حوالے سے پوچھے گئے سوال کے جواب میں سرتاج عزیز نے کہا کہ اس بارے میں کچھ بھی کہنا قبل از وقت ہے، اگر ان کی طرف سے خواہش ظاہر کی گئی تو پھر دیکھا جائے گا۔سرتاج عزیز کا کہنا تھا کہ افغانستان اور ایران پاکستان کے دشمن نہیں بلکہ دوست ممالک ہیں اور ان دونوں ممالک کے ساتھ ”بارڈر مینجمنٹ“بہت ضروری ہے۔وزیراعظم کے مشیر برائے امور خارجہ نے بتایا کہ پاکستان اور ایران کا مشترکہ بارڈر کمیشن تشکیل دے دیا گیا ہے جس کا اجلاس ایک ماہ کے اندر ہوگا۔انہوں نے بتایا کہ کمیشن میں دونوں ممالک سے چار چار ارکان شامل ہوں گے۔سرتاج عزیز نے کہا کہ پاکستان اور ایران کی سرحد پر صرف دہشت گردوں کا مسئلہ نہیں بلکہ وہاں سمگلر اور دیگر عناصر بھی موجود ہیں۔قبل ازیں افغانستان میں قیام امن کے حوالے سے منعقدہ سیمینار سے خطاب میں مشیر خارجہ سرتاج عزیز نے کہا کہ یہ ایک اہم موضوع ہے، داعش اور مہاجرین کی آباد کاری کی وجہ سے افغانستان قیام امن کا عمل سست ہو گیا ہے۔ انہوں نے کہا کہ پاکستان کا ایک ہی موقف ہے کہ افغانستان میں امن کے بغیر پاکستان میں امن ممکن نہیں، پاکستان نے افغانستان میں امن قائم کرنے کے لیے ہمیشہ مخلص کوشش کی ہے جبکہ پاکستان خود پاکستان خود دہشت گردی کا شکار رہا ہے۔ان کا مزید کہنا تھا کہ آپریشن ضرب عضب دہشت گردوں کے خاتمے کے لیے کیا گیا، آپریشن ردالفساد بھی دہشت گردوں کے خاتمے کے لیے شروع کیا گیا۔انہوں نے کہا کہ داعش اب افغانستان میں جڑیں مضبوط کررہی ہے، موثر بارڈر مینجمنٹ کی اشد ضرورت ہے جبکہ مہاجرین کے لیے ویزا سہولت متعارف کرا رہے ہیں۔سرتاج عزیز نے مطالبہ کیا کہ افغان حکومت کو بھی اپنی سرزمین میں موجود داعش اور طالبان کے خلاف کاروائی کرنا ہو گی، ماضی قریب میں ہونے والے تمام دہشت گردانہ حملوں کے تانے بانے افغانستان میں ملے ہیں۔انہوں نے کہ اکہ افغانستان کے ساتھ ٹرانزٹ ٹریڈ میٹنگ بھی جلد ہی ہو گی، افغان مہاجرین کے لیے ویزا کا عمل بھی شروع کیا گیا ہے۔ ان کا یہ بھی کہنا تھا کہ چمن میں پاک افغان سرحد جزوی طور پر کھول دی گئی ہے، پہلے مرحلے میں بیمار افغان شہریوں کو جانے کی اجازت دی گئی ہے۔سرتاج عزیز نے کہا کہ افغان صدر اشرف غنی نے پاک افغان مذاکرات کے لیے تیسرے فریق کی شرط نہیں رکھی، پاک افغان معاملے کے حل کے لیے چار فریقی نظام موجود ہے جہاں بات ہو سکتی ہے۔ سرتاج عزیز نے کہا کہ افغانستان اور ایران ہمارے د±شمن نہیں بلکہ دوست ممالک، پاک ایران بارڈر کمیشن تشکیل دے دیا گیا ہے اور ایک ماہ کے اندر اس کمیشن کا اجلاس ہو گا جس میں دونوں ممالک سے چار چار ممبران میں شامل ہوں گے۔ان کا کہنا تھا کہ پاک ایران بارڈر پر صرف دہشت گردوں کا مسئلہ نہیں اسمگلرز اور دیگر عناصر بھی موجود ہیں جبکہ جیش العدل کے زیادہ تر عناصر ایران کے اندر پھیلے ہوئے ہیں۔متعلقہ عنوان :
مزید اہم خبریں
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.