وزیراعلیٰ پنجاب کی بدولت ون بیلٹ ون روڈ منصوبہ ایک نمایاں سنگ میل ثابت ہوگا‘تنویر اسلم اعوان

پنجاب میں چینی سرمایہ کاری میں نمایاں اضافہ ہو رہا ہے بجلی کے متعدد منصوبوں پر بھی چین کے تعاون سے کام جاری ہے‘صوبائی وزیر

منگل 16 مئی 2017 18:25

وزیراعلیٰ پنجاب کی بدولت ون بیلٹ ون روڈ منصوبہ ایک نمایاں سنگ میل ثابت ..

لاہور(اُردو پوائنٹ اخبارتازہ ترین - این این آئی۔ 16 مئی2017ء) صوبائی وزیرمواصلات و تعمیرات ملک تنویر اسلم اعوان نے کہا ہے کہ وزیراعلیٰ پنجاب شہباز شریف کی زیر نگرانی پاک چین تعلقات کے نئے دور کا آغاز ہوا ہے اور سی پیک کی بدولت پاکستان بالخصوص پنجاب ترقی کے مراحل تیزی سے طے کر رہا ہے ،پنجاب میں چینی سرمایہ کاری میں نمایاں اضافہ ہو رہا ہے اور بجلی کے متعدد منصوبوں پر بھی چین کے تعاون سے کام جاری ہے۔

(جاری ہے)

انہوں نے کہا ہے کہ ون بیلٹ ون روڈ منصوبہ بھی تابناک روشن کی دلیل بننے جا رہا ہے ، پاکستان اور چین کے تعاون سے تکمیل کے مراحل سے گزرتا ہوا سی پیک چین کے ون بیلٹ ون روڈ پروگرام کا سب سے اہم حصہ ہے، جس پر پوری دنیا کی نظریں لگیں ہوئی ہیں۔ون بیلٹ ون روڈ پروگرام کی تکمیل کا سب سے زیادہ فائدہ یہ ہو گا کہ دنیامیں دہشت گردی اور انتہاپسندی کے ناسور کے خلاف متحد ہونے کا احساس مزید بڑھ جائے گاکیونکہ تجارتی سرگرمیاں اور انتہاپسندی ساتھ ساتھ نہیں چل سکتیں۔ صوبائی وزیر نے کہا کہ پنجاب میں ایک ابھرتی ہوئی معیشت وزیر اعلیٰ پنجاب کی شبانہ روز محنت اور نیک نیتی کے نتیجے میں سامنے آرہی ہے۔