آسٹریلیا کی ہائی کمشنر نے آسٹریلیا کی کرٹن یونیورسٹی کے سابق طالب علموں کے پاکستانی شاخ کا آغاز کردیا

بدھ 17 مئی 2017 16:30

اسلام آباد ۔ 3 مئی (اُردو پوائنٹ اخبارتازہ ترین - اے پی پی۔ 17 مئی2017ء) پاکستان میں آسٹریلیا کی ہائی کمشنر مارگریٹ ایڈمسن نے آسٹریلیا کی کرٹن یونیورسٹی کے سابق طالب علموں کے پاکستانی شاخ کا آغاز کردیا، کرٹن یونیورسٹی کے طلباء پبلک ، پرائیویٹ اور غیر منافع بخش شعبوں میں اعلیٰ اور بااثر عہدوں پر کام کررہے ہیں جن میں سے 600 سے زائد سابق طالب علم پاکستان میں مقیم ہیں ۔

پاکستان میں سابق طلباء کی پاکستانی شاخ کے ممبران نوجوان گریجویٹس میں روزگار کے مواقع بڑھانے کے لئے پاکستان میں کرٹن یونیورسٹی آسٹریلیا اور موجودہ اور ممکنہ آجروں کے ساتھ مل کر کام کرنے کا ارادہ رکھتے ہیں ۔ یہ سابق طلبہ پاکستانی تعلیمی اداروں کو کرٹن یونیورسٹی کے ساتھ منسلک کرنے کے لئے بھی کام کریں گے۔

(جاری ہے)

اس موقع پر ہائی کمشنر ایڈمسن نے آسٹریلیا میں رہنے والے اور زیر تعلیم پاکستان طالب علموں کی بڑھتی ہوئی تعداد کو پاکستان اور آسٹریلیا کے درمیان مضبوط عوامی رابطوں کی علامت قرار دیا ہے اور کہاہے کہ وہ کرٹن یونیورسٹی کے سابق طالب علموں کے اس باب کے منتظمین کو مبارکباد دیتی ہیں اور پاکستان میں آسٹریلوی سابق طلباء کے نیٹ ورک کی توسیع کے لئے اس اقدام کا خیر مقدم کرتی ہیں ۔

کرٹن یونیورسٹی کی وائس چانسلر پروفیسر ڈیبورا ٹیری نے بھی اس اقدام کو سراہا۔ کرٹن یونیورسٹی کے پاکستانی سابق طلباء کی ایک بڑی تعداد ٹیلی کام ، بینکنگ اور ترقی کے شعبوں کے رہنمائوں اور اداروں نے اسلام آباد میں لانچ کی تقریب میں شرکت کی۔

Facebook Twitter Google + Share on Whatsapp

آسٹریلیا کی ہائی کمشنر نے آسٹریلیا کی کرٹن یونیورسٹی کے سابق طالب علموں کے پاکستانی شاخ کا آغاز کردیا

مزید تعلیم کی خبریں