منیشات کے معاملے میں پی آئی اے کا کوئی بھی ملازم ملوث ہوا تو اس کے خلاف سخت کاروائی عمل میں لائی جائیگی ‘ عرفان الٰہی

بدھ 17 مئی 2017 22:11

لاہور(اُردو پوائنٹ اخبارتازہ ترین - آئی این پی۔ 17 مئی2017ء) قائمقام چیئرمین پاکستان انٹرنیشنل ایئر لائن عرفان الٰہی کہا ہے کہ لندن میں پی آئی اے کے طیارے سے متعلقہ واقعہ کے بارے میں برطانوی حکومت کی طرف سے سرکاری طور پر کوئی معلومات فراہم نہیں کی گئیں ،اگر اس میں پی آئی اے کا کوئی بھی ملازم ملوث ہوا تو اس کے خلاف سخت کاروائی عمل میں لائی جائیگی ۔

(جاری ہے)

لاہور میں میڈیا سے گفتگو کرتے ہوئے انہوں نے کہا کہ لندن ایئرپورٹ انتظامیہ نے پی آئی اے کا جہاز سرچ کرنے کی وجوہات نہیں بتائیں، اس سلسلہ میں لندن ایرپورٹ انتظامیہ کو خط لکھا ہے۔ انہوںنے بتایا کہ 4گھنٹوں تک پی آئی اے کے جہاز کو سرچ کیاگیا اور ہم اپنے طور پر بھی تحقیقات کررہے ہیں ۔ انہوں نے کہا کہ جہاز سے کچھ نکلا ہے یا نہیں نکلا ابھی کچھ معلوم نہیں کیونکہ برطانوی حکومت کی طرف سے سرکاری طور پر کچھ شیئر نہیں کیاگیا ۔

Facebook Twitter Google + Share on Whatsapp

منیشات کے معاملے میں پی آئی اے کا کوئی بھی ملازم ملوث ہوا تو اس کے خلاف سخت کاروائی عمل میں لائی جائیگی ‘ عرفان الٰہی

مزید قومی خبریں