کپاس کی گوڈی کرنے سے کھیت میں نمی کو محفوظ رکھا جاسکتا ہے،زرعی ماہرین

جمعرات 18 مئی 2017 14:24

فیصل آباد۔ (اُردو پوائنٹ اخبارتازہ ترین - اے پی پی۔ 18 مئی2017ء)ماہرین زراعت نے بتایا کہ کپاس کی فصل سے جڑی بوٹیوں کو بذریعہ گوڈی تلف کر کے کھیت میں نمی کو محفوظ رکھا جاسکتا ہے لہٰذا کاشتکاروں کو چاہئے کہ وہ فی ایکڑ زیادہ پیداوار کے حصول کیلئے کپاس کی فصل سے جڑی بوٹیوں کی تلفی پر خصوصی توجہ دیں اور ان کے تدارک کیلئے ماہرین زراعت، محکمہ زراعت توسیع کے فیلڈ سٹاف، پیسٹ سکاؤٹنگ کے عملہ کی مشاورت سے فوری اقدامات کو یقینی بنایا جائے۔

(جاری ہے)

ماہرین زراعت نے بتایا کہ فصل کے اگاؤ کے آغازمیں ہی اگر جڑی بوٹیوں کو مناسب طریقے سے تلف کر دیا جائے تو اس سے پیداوار میں اضافہ ہوسکتا ہے۔ انہوں نے کہا کہ جڑی بوٹیاں جہاں نقصان دہ کیڑوں کو پناہ گاہ فراہم کرتی ہیں وہیں وہ کاشتی امور میں بھی رکاوٹوں کا باعث بن سکتی ہیں۔ انہوں نے کہا کہ جڑی بوٹیوں کی بذریعہ گوڈی تلفی کر کے کھیت میں نمی کو زیادہ دیر تک محفوظ رکھا جاسکتا ہے۔

Facebook Twitter Google + Share on Whatsapp

کپاس کی گوڈی کرنے سے کھیت میں نمی کو محفوظ رکھا جاسکتا ہے،زرعی ماہرین

مزید تجارتی خبریں