محکمہ زراعت نے پنجاب میں کپاس کے کیڑوں کی مانیٹرنگ کرنے کا نظام آئی ٹی سے منسلک کردیا

پیر 29 مئی 2017 15:44

لاہور۔ (اُردو پوائنٹ اخبارتازہ ترین - اے پی پی۔ 29 مئی2017ء) محکمہ زراعت پنجاب نے صوبہ بھر میں کپاس کے کیڑوں کی مانیٹرنگ کرنے کا نظام آئی ٹی سے منسلک کردیا ہے، ہر ضلع میں کپاس کے کیڑوں کے نقصان کی معاشی حد سے زیادہ ہونے کی نشاندہی اور ان سے بچائو کے حوالے سے کام تیزی سے جاری ہے۔ محکمہ زراعت کے افسران کپاس کو کیڑوں کے حملہ سے محفوظ بنانے کے لئے دن رات کوشاں ہیں۔

(جاری ہے)

اس حوالے سے کپاس کے کاشتکاروں کو آگاہی بھی فراہمی کی جا رہی ہے۔ کپاس کے کیڑوں کی تعداد اور ان سے بچائو کی تدابیر کے لئے جدید ترین نظام مرتب کیا گیا ہے جسے پنجاب انفارمیشن ٹیکنالوجی بورڈ کے تعاون سے انٹرنیٹ سے منسلک کر دیا گیا ہے۔ رواں سال کپاس کی بہترین پیداوار حاصل کرنے والے کاشتکاروں میں مقابلے منعقد کرائے جائیں گے ۔ کپاس کی 70سالہ تاریخ میں پہلی بار ایسی پالیسی کا اعلان ہوا ہے۔ یہ مقابلے کپاس پیدا کرنے والے 20اضلاع میں کرائے جائیں گے۔

Facebook Twitter Google + Share on Whatsapp

محکمہ زراعت نے پنجاب میں کپاس کے کیڑوں کی مانیٹرنگ کرنے کا نظام آئی ٹی سے منسلک کردیا

متعلقہ عنوان :

مزید تجارتی خبریں