کپاس کی بہتر پیداوار کیلئے زمین دوست کھادوں کا استعمال یقینی بنانے کی ہدایت

جمعہ 16 جون 2017 15:56

فیصل آباد۔ (اُردو پوائنٹ اخبارتازہ ترین - اے پی پی۔ 16 جون2017ء) جامعہ زرعیہ فیصل آباد کے زرعی ماہرین نے کہاہے کہ کاشتکار کپاس کی بہتر پیداوار کیلئے زمین دوست کھادوں کا استعمال یقینی بنائیںکیونکہ سرسبز نائٹروفاس ، سر سبز کیلشیم امونیم نائٹریٹ وغیرہ کااستعمال کپاس کی فصل کیلئے انتہائی معاون ثابت ہواہے جس سے پیداوارمیں خاطر خواہ اضافہ بھی ممکن ہے۔

(جاری ہے)

انہوںنے کہاکہ زمین دوست کھادوں کے استعمال سے خوراکی اجزاء کا ضیاع نہ ہونے کے برابر رہ جاتاہے اس طرح زمین کی افادیت میں اضافہ اور فصل کی بڑھوتری بھی تیز ہو جاتی ہے۔انہوںنے کہاکہ کاشتکار زمین دوست کھادوں کے متناسب استعمال کیلئے اپنی اراضی کاتجزیہ بھی کرواسکتے ہیں۔ انہوںنے کہاکہ بعض اداروں کی جانب سے کسان دوست کیڑوں کے ساتھ زمینی تجزیہ کی لیبارٹریاں بھی قائم کردی گئی ہیں جس سے کاشتکاروں کی سہولیات میں اضافہ اور مشکلات میں کمی واقع ہوگی۔

Facebook Twitter Google + Share on Whatsapp

کپاس کی بہتر پیداوار کیلئے زمین دوست کھادوں کا استعمال یقینی بنانے کی ہدایت

مزید تجارتی خبریں