شہبازشریف ملتان میں زخمیوں کی عیادت کے بعد واپس لاہور جانے کی بجائے دوبارہ بہاولپور آگئے

اتوار 25 جون 2017 20:40

لاہور (اُردو پوائنٹ اخبارتازہ ترین - آن لائن۔ 25 جون2017ء) وزیراعلیٰ پنجاب محمد شہبازشریف ملتان میں سانحہ احمد پور شرقیہ کے زخمیوں کی عیادت کے بعد واپس لاہور جانے کی بجائے دوبارہ بہاولپور آگئے۔وزیر اعلی شہباز شریف نے اپنی نگرانی میں زخمیوں کو لاہور منتقل کرنے کا عزم کا اظہار کیا۔

(جاری ہے)

وزیر اعلی شہباز شریف نے سی 130 طیارے کے ذریعے زخمیوںکو لاہور بھجوانے کے عمل کی ذاتی طور پر نگرانی کی۔وزیر اعلی نے پاک فوج کے جوانوں اور ریسکیو 1122 کے عملے کی تعریف کی اور زخمیوں کی منتقلی کیلئے بہترین انتظامات پر انہیں شاباش دی اور کہا کہ آپ ایک قومی خدمت کر رہے ہیں اور آپ کا یہ کردار لائق تحسین ہے ۔