عالمی طاقتوں کی سیاسی حکمت عملی کشمیر اور فلسطین کے مسائل کے حل میں رکاوٹیں پیدا کر رہی ہیں۔ مسئلہ کشمیر اور فلسطین پر اقوام متحدہ کی سیکورٹی کونسل کی واضح قراردادوں کو نافذ کیوں نہیں کیا جاتا۔پاکستان
میاں محمد ندیم پیر 3 جولائی 2017 17:31
(جاری ہے)
انہوں نے کہا کہ مسلم امہ میں اکثر یہ سوال کیا جاتا ہے کہ مسئلہ کشمیر اور مسئلہ فلسطین کے حوالے سے اقوام متحدہ کی سیکورٹی کونسل کی واضح قراردادوں کو نافذ کیوں نہیں کیا جاتا۔
ملیحہ لودھی نے کہا کہ پاکستان اقوام متحدہ کی قرار داد کی روشنی میں مسئلہ کشمیر کا پر امن حل چاہتا ہے لیکن اس معاملے میں بھارت سیاسی ہٹ دھرمی دکھاتے ہوئے پاکستان کے ساتھ اس معاملے پر مذاکرات کی پیشکش کو مسلسل مسترد کر رہا ہے۔مسئلہ فلسطین کے حوالے سے انہوں نے کہا کہ فلسطین کا معاملہ واضح ہے اور اس کے لیے اقوام متحدہ کی سیکیورٹی کونسل دو ریاستی حل نافذ کرنا چاہتی ہے جس میں اسرائیل اپنی سیاسی ہٹ دھرمی کا مظاہرہ کر رہا ہے۔انہوں نے باور کرایا کہ اگر اقوام متحدہ کے تسلیم شدہ تنازعات کا حل نہیں نکالا گیا تو ان خطوں میں مزید تنازعات پیدا ہوں گے۔ انہوں نے کہا کہ دونوں تنازعات ایک چیلنج ہیں جس میں عالمی طاقتوں کو اپنا کردار ادا کرنے کی ضرورت ہے، کیونکہ جیسے ہی کوئی مسئلہ عالمی سطح پر ابھرتا ہے اسے فوری حل کر لیا جاتا ہے۔ملیحہ لودھی نے اپنے انٹرویو میں کہا کہ ان دونوں مسائل کو بین الاقوامی قوانین، اخلاقیات اور اقوام متحدہ کی قرار دادوں کی روشنی میں حل کیا جانا چاہیے۔انہوں نے کہا کہ کشمیری اور فلسطینی عوام کی صورتحال ایک جیسی ہے، کیونکہ عالمی برادری نے ان سے اب تک جتنے بھی وعدے کیے وہ وفا نہیں ہو سکے، جس کا خمیازہ عالمی دنیا مشرقی وسطیٰ اور جنوبی ایشیا کی سیکورٹی کی ابتر صورتحال کے نتیجے میں بھگت رہی ہے۔انہوں نے کہا کہ مقبوضہ کشمیر میں بھارتی فورسز کے جانب سے کشمیری عوام پر جو ظلم و بربریت کی جاتی ہے اس کی مثال کہیں نہیں ملتی جس کی مذمت عالمی برادری اور اسلامی تعاون تنظیم (او آئی سی) نے بھی کی۔ انہوں نے مسئلہ کشمیر اور مسئلہ فلسطین پر پاکستان کا ساتھ دینے پر مسلم امہ کا شکریہ ادا کیا اور کہا کہ ان مسائل کے حل کے لیے ضروری ہے کہ پوری عالمی برادری مشترکہ کوششیں کرے۔مسلم امہ کے اتحاد پر تذکرہ کرتے ہوئے انہوں نے کہا آج ہم مسلم امہ میں جو تفریق دیکھتے ہیں اس کو حل کرنے کی ضرورت ہے، میرا خیال ہے کہ پوری مسلم امہ تمام اختلافات سے بالا تر ہو کر خود بھی اس مسئلے پر آواز اٹھائے۔ایک سوال کے جواب میں انہوں نے کہا کہ پاکستان فلسطینی عوام کے ساتھ ہے اور ہمیشہ ان کی حمایت کرتا رہے گا۔ان کا کہنا تھا کہ پاکستان نے اقوام متحدہ میں جتنا ممکن ہوسکا فلسطین کے لیے آواز بلند کی جبکہ مستقبل میں بھی اس حوالے سے پاکستان کی کوششیں جاری رہیں گی۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.