مریم نواز کے پاس اس وقت کون سا ریاستی عہدہ ہی وزیر اعظم کی بیٹی جے آئی ٹی کے سامنے اپنے اور اپنے خاندان پر لگے کرپشن چارجز کا دفاع کرنے پیش ہوئیں،قوم جاننا چاہتی ہے کہ کس قانون کے تحت حکومت نے اسلام آباد کے لاکھوں شہریوں کے بنیادی حقوق سلب کر کے ان کے راستے بند کئے،(ن) لیگ پاکستان کو بنانا ریپبلک بنا دینا چاہتی ہے،

یہ جے ٹی آئی کا کاؤنٹ ڈاؤن در اصل نون لیگ کا کاؤنٹ ڈاؤن ہے ، پاکستان تحریک انصاف کے سینئر رہنما ڈاکٹر بابر اعوان کا ویڈیو بیان

بدھ 5 جولائی 2017 22:27

مریم نواز کے پاس اس وقت کون سا ریاستی عہدہ ہی وزیر اعظم کی بیٹی جے آئی ..

اسلام آباد(اُردو پوائنٹ اخبارتازہ ترین - آئی این پی۔ 05 جولائی2017ء) پاکستان تحریک انصاف کے سینئر رہنما ڈاکٹر بابر اعوان نے کہاہے کہ مریم نواز کے پاس اس وقت کون سا ریاستی عہدہ ہی وزیر اعظم کی بیٹی جے آئی ٹی کے سامنے اپنے اور اپنے خاندان پر لگے کرپشن چارجز کا دفاع کرنے پیش ہوئیں۔ قوم جاننا چاہتی ہے کہ کس قانون کے تحت حکومت نے اسلام آباد کے لاکھوں شہریوں کے بنیادی حقوق سلب کر کے ان کے راستے بند کیئے۔

بدھ کو اپنے جاری کردہ ایک ویڈیو پیغام میں انہوں نے کہا کہ پاکستان کے قانون (بلیو بک) کے تحت صرف صدر وزیراعظم آرمی چیف اور دیگر چند عہدوں کے لیئے سیکیورٹی کی خاطر اس سہولت کی اجازت ہے۔ بتایا جائے کہ مریم نواز کے اس پروٹوکول پر سرکاری کروڑوں کا قانون کے تحت خرچ کیئے گئے۔

(جاری ہے)

ایڈمنسٹریش نے ہزاروں لوگ کس قانون کے تحت تعینات کیئے۔ بابر اعوان نے کہا کہ تحریک انصاف نے جب لاک ڈاؤن کی کال دی تھی تو کس قانون کے تحت انہیں محصور کیا گیا تھا۔

اور آج لاکھوں گلوؤں کو کس قانون کے تحت کھلا چھوڑا گیا۔ بابر اعوان نے مزید کہا کہ کہتے ہیں کہ یہ سیاسی مقدمہ ہے تو پھر اپنی جیب سے اخراجات ادا کیوں نہیں کرتے۔ میڈیا نے کہا تھا وزیراعظم کے ہوتے آزادانہ تفتیش ممکن نہیں۔ آج مریم نواز کے پروٹوکول سے ثابت ہوگیا۔نون لیگ پاکستان کو بنانا ریپبلک بنا دینا چاہتی ہے۔ بابر اعوان نے کہا کہ یہ جی ٹی آئی کا کاؤنٹ ڈاؤن در اصل نون لیگ کا کاؤنٹ ڈاؤن ہے۔