مقبوضہ کشمیر، کپواڑہ میں قابض بھارتی فوج کا تلاش آپریشن تیسرے روز بھی جاری رہا

آپریشن کے باعث علاقے کے لوگوںکی مشکلات میںمزیداضافہ

اتوار 16 جولائی 2017 14:30

سرینگر(اُردو پوائنٹ اخبارتازہ ترین - این این آئی۔ 16 جولائی2017ء) مقبوضہ کشمیر میں بھارتی فوجیوں کی طرف سے ضلع کپواڑہ کے قریباً ایک درجن دیہات میں شروع کیا جانے والا تلاشی آپریشن اتوار کو مسلسل تیسرے روز بھی جاری رہا۔

(جاری ہے)

کشمیر میڈیا سروس کے مطابق وارسن، گزریال، کچہامہ،رستی اونپورہ اور دیگر دیہات میں آپریشن جمعہ کے روز شروع کیا گیا تھا۔قابض فورسز نے آپریشن کے سلسلے میں ایک بڑے رقبے کو محاصرے میں لے رکھا ہے ۔ دیہات سے متصل جنگلات میں بھی تلاشی لے جارہی ہے۔ آپریشن کے باعث علاقے کے لوگوںکی مشکلات میںمزیداضافہ ہو گیا ہے۔