کراچی میں مکمل قیام امن کیلئے وفاق صوبائی حکومت کے ساتھ تمام سیاسی جماعتوں کو تعاون کرنا ہو گا ،
کراچی میں قیام امن کے حوالے سے وفاقی حکومت کی پالیسی برقرار رہے گی،کراچی میں وفاق کی جانب سے جاری میگا پروجیکٹس کی جلد از جلد تکمیل کی جائے گی ، عوامی مسائل کے حل کے لیے مزید منصوبے شروع کیے جائیں گے وزیر اعظم شاہد خاقان عباسی کی ایم کیوایم پاکستان سے ملاقات میں گفتگو
ہفتہ 12 اگست 2017 21:32
(جاری ہے)
ایم کیو ایم پاکستان کے وفد کی قیادت پارٹی سربراہ ڈاکٹر فاروق ستار نے کی۔ وفد میں کنور نوید جمیل ، میئر کراچی وسیم اختر ، فیصل علی سبزواری اور کامران ٹیسوری شامل تھے۔ اس موقع پر گورنر سندھ محمد زبیر اور وفاقی وزیر داخلہ احسن اقبال بھی موجود تھے۔
ذرائع کے مطابق ایم کیو ایم پاکستان کے سربراہ ڈاکٹر فاروق ستار نے وزیر اعظم کو آگاہ کیا کہ ایم کیو ایم پاکستان کو سیاسی سرگرمیوں کی مکمل اجازت دی جائے۔ کراچی ، حیدر آباد سمیت صوبے کے شہری علاقوں میں ایم کیو ایم پاکستان کے دفاتر کو کھولنے کی اجازت دی جائے۔ انہوںنے کہا کہ وزیر اعظم کو بتایا کہ سندھ حکومت کی جانب سے بلدیاتی حکومتوں اور نمائندوں کو مکمل اختیارات نہ ملنے کے باعث عوامی مسائل کے حل میں شدید مشکلات کا سامنا ہے تاہم اس کے باوجود ہم عوام کے مسائل کو ترجیحی بنیادوں پر حل کرنے کی کوشش کر رہے ہیں۔ ڈاکٹر فاروق ستار نے وزیر اعظم کو کارکنوں کی گرفتاریوں اور لاپتہ کارکنان کی بازیابی کے حوالے سے بھی آگاہ کیا اور مطالبہ کیا کہ ایم کیو ایم پاکستان کے کارکنوں کی گرفتاریوں کا سلسلہ بند کیا جائے اور لاپتہ کارکنان کو جلد از جلد بازیاب کرایا جائے۔ ڈاکٹر فاروق ستار نے وزیر اعظم سے مطالبہ کیا کہ وفاق کراچی سمیت صوبے کے دیگر اضلاع کے لیے ترقیاتی پیکیجز کا اعلان کرے اور کراچی میں میگا پروجیکٹس کا مزید اعلان کیا جائے۔ اس موقع پر وزیر اعظم نے ایم کیو ایم پاکستان کی جانب سے ووٹ دینے پر ان کا شکریہ ادا کیا۔ وزیر اعظم نے کہا کہ حکمران مسلم لیگ کی وفاقی حکومت ایم کیو ایم پاکستان کے ساتھ اپنے ورکنگ ریلیشن شپ کو مزید بڑھائے گی اور ایم کیو ایم پاکستان کے تمام تحفظات اور مطالبات کا قانونی جائزہ لے کر ان کو حل کرنے کے لیے بتدریج اقدامات کیے جائیں گے۔ وزیر اعظم نے کہا کہ کراچی ملک کا معاشی حب ہے۔ کراچی میں بحالی امن کے لیے سکیورٹی اداروں نے بڑی قربانیاں دی ہیں۔ ہم ان قربانیوں کو ضائع نہیں ہونے دیں گے۔ کراچی میں مستقل امن کا قیام اور ترقی وفاقی حکومت کی اولین ترجیحات میں شامل ہے۔ وفاقی حکومت کراچی کے لیے میگاپروجیکٹ اور ترقیاتی پیکیج کا اعلان جلد کرے گی۔ انہوں نے کہاکہ شہر قائد میں مستقل امن کے قیام اور ترقی کے لیے تمام سیاسی قوتوں کو متحد ہو کر حکومت کا ساتھ دینا ہو گا۔ انہوں نے کہا کہ وفاقی حکومت کراچی میں ہر صورت قیام امن کو یقینی بنائے گی اور شہر میں جرائم کے خاتمے کے لیے آپریشن کو جاری رکھا جائے گا۔ وزیر اعظم نے ایم کیو ایم پاکستان کے وفد کو یقین دہانی کرائی کہ ان کے مطالبات کو جلد حل کرنے کی کوشش کی جائے گی۔ ایم کیو ایم پاکستان کے وفد نے وزیر اعظم کو اپنے سیاسی دفتر بہادر آباد کا دورہ کرنے کی دعوت دی۔ وزیر اعظم نے کہا کہ وہ جلد ایم کیو ایم پاکستان کے مرکز کا دورہ کریں گے۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.