قوم پاکستان کے لیے اور حکمران اپنی ذات اور خاندان کے لیے مر رہے ہیں ، سینیٹر سراج الحق
پاکستان کو بیرونی دشمنوں سے زیادہ اندرونی لٹیروں سے خطرہ ہے ، امیر جماعت اسلامی
منگل 15 اگست 2017 23:09
(جاری ہے)
یوم پاکستان پر پاکستان زندہ باد کے نعرے لگانے والے کشمیری شہدا کو سلام پیش کرتے ہیں ۔
کشمیری بھارت کا یوم آزادی یوم سیاہ کے طور پر منا رہے ہیں ۔ حکومت پاکستان کو اس کی سرپرستی کرنی چاہیے تھی مگر ہمارے حکمران امریکی خوف سے کشمیری عوام کی جدوجہد سے خود کو الگ تھلگ رکھتے ہیں۔ ان خیالات کااظہار انہوں نے منصورہ میں ہونے والے کرپشن فری پاکستان تحریک کے جائزہ اجلاس سے خطاب کرتے ہوئے کیا ۔ اجلاس میں سیکرٹری جنرل جماعت اسلامی لیاقت بلوچ اور نائب امراء حافظ محمد ادریس ، ڈاکٹر فرید احمد پراچہ ، راشد نسیم ، اسد اللہ بھٹو بھی شریک تھے۔ سینیٹر سراج الحق نے کہاکہ حکمران ملکی بقا و سلامتی سے بڑھ کر اپنی ذات اور خاندانوں کی فکر میں ڈوبے رہتے ہیں جبکہ عام پاکستانی قومی مفاد کی خاطر ہر وقت قربانی کے لیے تیار رہتاہے ۔ غریب پاکستانی ٹیکس اور بجلی و گیس کے بلوں سے قومی خزانہ بھرتاہے اور حکمران اسے لوٹ کر بیرونی بنکوں میں جمع کروادیتے ہیں جس سے غربت اور مہنگائی میں مزید اضافہ ہوتاہے ۔ انہوںنے کہاکہ عوام کو غربت ، جہالت ، بدامنی ، بے روزگاری اور لوڈشیڈنگ کے تحفے دینے والے حکمرانوں نے خود لندن نیویارک اور دبئی میں بڑے بڑے محل بنا رکھے ہیں اور ان کی اولادیں اور کاروبار ملک سے باہر ہیں ۔ یہ پاکستان میں صرف حکمرانی کے لیے آتے ہیں اور جب ایوان اقتدار سے نکلتے ہیں تو سیدھے دبئی یا لندن جا کر بیٹھ جاتے ہیں ۔ انہوں نے کہاکہ ملک میں لوٹ مار اور کرپشن کا بازار گرم کرنے والے کسی رعایت کے مستحق نہیں ہیں ان سب کو پکڑ کر ایک ایک سے حساب لیناچاہیے اور جس نے پاکستان کو جتنا نقصان پہنچایا ہے ، اس کی سزا اسے ملنی چاہیے ۔ انہوںنے کہاکہ ہم پہلے دن سے سب کے احتساب کا مطالبہ کر رہے ہیں ۔ ہم چاہتے ہیں کہ نہ صرف مشرف اور زرداری حکومتوں کا مکمل آڈٹ ہو ، بلکہ آف شور کمپنیوں کے مالکوں ، قرضے لے کر ہڑپ کرنے والوں اور این آر او کے ڈیٹرجنٹ سے دھل کر مارکیٹ میں آنے والوں کو بھی احتساب کے کٹہرے میں کھڑا کیا جائے ۔ انہوںنے کہاکہ جماعت اسلامی کی کرپشن فری پاکستان تحریک جاری ہے اور ہم بہت جلد سپریم کورٹ سے رجوع کر کے پانامہ لیکس میں شامل دیگر 436 لوگوں کے احتساب کی اپیل کریں گے ۔ ہمارا سپریم کورٹ سے مطالبہ ہے کہ جب تک مال مسروقہ واپس نہیں ملتا ، چور کے پکڑے جانے کا ملک و قوم کو خاص فائدہ نہیں ، اس لیے ضروری ہے کہ لوٹی گئی قومی دولت واپس لانے کے لیے ایک نظام بنایا جائے اور فوری اقدامات کیے جائیں تاکہ مجرموں کو لوٹ کھسوٹ کی دولت دوسری جگہ منتقل کرنے کا موقع نہ مل سکے ۔متعلقہ عنوان :
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.