چین میں کپاس کا سٹاک ختم، پاکستان سے درآمد کرنے کا فیصلہ

لاہور(اُردو پوائنٹ اخبارتازہ ترین - این این آئی۔ 10 ستمبر2017ء) چین کی شکل میں پاکستان کو کپاس کی بڑی منڈی ملی گئی ، چین میں کپاس کاسٹاک ختم ہونے کی وجہ سے پاکستان سے کپاس درآمد کرنے کافیصلہ کیا گیاہے ۔ ذرائع کے مطابق چین کے کپاس کے تاجرپاکستانی تاجروں سے کپاس منگوانے کیلئے رابطہ کررہے ہیں ، چین پاکستانی کپاس کی نئی منڈی بنے سے پاکستان کی کپاس کی مانگ میں اضافہ ہوگااوریہاں کے کاشتکاروکو کپاس کی اچھی قیمت ملے گی ۔

(جاری ہے)

ذرائع کے مطابق کپاس کا کاشت پربھاری اخراجات کے باوجود ماضی میںپاکستانی کاشتکارکو کپاس کی بہتر قیمت نہیں مل سکی ،کپاس کی پیداواری لاگت کا 50 فیصد صرف زرعی زہروں پر خرچ ہوتا ہے جس کے وجہ سے زہرپاشی صحیح آلات سے اور صحیح طریقوں سے کیا جانا ضروری ہے ۔ذرائع کے مطابق محکمہ زراعت نے کپاس کے کاشتکاروں کو صیح اندازمیں زہرپاشی کرنے کی ترغیب دی جس سے ان کی زہرپاشی کی لاگت کم ہوگئی ،اسی طرح کھاد کی سبسڈی سے بھی کسانوںکو بہت فائدہ ہوا، اس سال کسان کو دوہرا فائد ہونے کاامکان ہے ایک تو اس کی لاگت کم ہوئی ہے اوردوسری اس کی قیمت زیادہ ملے گی۔