اسلام آباد ہائیکورٹ، پاکستانی نژاد امریکی شہری طلحہ ہارون کی امریکہ حوالگی کیس کی سماعت کل ہوگی

پیر ستمبر 21:08

اسلام آباد ہائیکورٹ، پاکستانی نژاد امریکی شہری طلحہ ہارون کی امریکہ ..
اسلام آباد (اُردو پوائنٹ اخبارتازہ ترین۔ 11 ستمبر2017ء) اسلام آباد ہائیکورٹ میں پاکستانی نژاد امریکی شہری طلحہ ہارون کو امریکہ کے حوالے کرنے بارے درخواست پر سماعت کل بروز منگل ہوگی۔تفصیلات کے مطابق امریکی شہر نیویارک میں مبینہ طور پر حملے کی منصوبہ بندی کرنے کے الزام میں امریکہ کو مطلوب طلحہ ہارون کو امریکہ کے حوالے کرنے پر وفاقی حکومت کے فیصلے کے خلاف دائر درخواست کی سماعت آج بروز منگل اسلام آباد ہائیکورٹ میں ہوگی۔

(جاری ہے)

اسلام آباد ہائیکورٹ کے جسٹس شوکت عزیز صدیقی طلحہ ہارون کے والد ہارون الرشید کی جانب سے دائر درخواست پر سماعت کریں گے۔گزشتہ سماعت پر عدالت کی جانب سے طلحہ ہارون کو امریکہ کے حوالے کرنے سے متعلق وفاقی حکومت کے فیصلے پر سوال اٹھائے گئے تھے جن پر آج فریقین کے وکلاء حتمی دلائل دیں گے جبکہ قوی امکان ہے کہ فریقین کے وکلا ء کے دلائل مکمل ہونے کے بعد طلحہ ہارون کو امریکہ کے حوالے کرنے یا نہ کرنے سے متعلق عدالتی فیصلہ بھی سنایا جائے گا۔

متعلقہ عنوان :