اب عوام شریف خاندان کی نظرثانی کی درخواستوں پر فیصلہ دیں گے، این اے 120 کا ضمنی الیکشن نواز شریف کے حق میں عوامی ریفرنڈم ھوگا، سینیٹر ڈاکٹر آصف کرمانی

جمعہ 15 ستمبر 2017 15:09

اسلام آباد ۔ (اُردو پوائنٹ اخبارتازہ ترین - اے پی پی۔ 15 ستمبر2017ء) پاکستان مسلم لیگ (ن)کے ترجمان سینیٹر ڈاکٹر آصف کرمانی نے کہا ہے کہ اب عوام شریف خاندان کی نظرثانی کی درخواستوں پر فیصلہ دیں گے۔ سابق وزیراعظم محمد نواز شریف اور عوام کو ایک دوسرے سے جدا نہیں کیا جا سکتا۔

(جاری ہے)

این اے 120 کا ضمنی الیکشن نواز شریف کے حق میں عوامی ریفرنڈم ہوگا۔ جمعہ کو جاری کردہ بیان میں ڈاکٹر آصف کرمانی نے کہا کہ این اے 120 کا نتیجہ آئندہ کی ملکی سیاست کا رخ متعین کرے گا۔ انہوں نے کہا کہ این اے 120 کے ہر گھر میں شیر دھاڑ رہا ھے۔ نواز شریف اور عوام کو ایک دوسرے سے جدا نہیں کیا جا سکتا۔ انہوں نے کہا کہ عمران خان آئین اور قانون کی دھجیاں اڑاتے ہیں مگر کوئی ایکشن نہیں لیا جاتا۔