فاٹا پارلیمنٹرین کا پارلیمنٹ کے سامنے مشترکہ احتجاجی کیمپ کا انعقاد

قبائلی علاقوں سے ایف سی آر کو ختم، سپریم کورٹ ہائیکورٹ پشاور کا دائرہ اختیار فاٹا تک بڑھانے، فاٹا کو خیبر پختونخواہ میں ضم کرکے این ایف سی ایوارڈ میں تین فیصد حصہ دینے کا مطالبہ

جمعرات 5 اکتوبر 2017 15:01

اسلام آباد (اُردو پوائنٹ اخبارتازہ ترین - این این آئی۔ 05 اکتوبر2017ء) فاٹا پارلیمنٹرین کا پارلیمنٹ کے سامنے مشترکہ احتجاجی کیمپ کا انعقاد۔تفصیلات کے مطابق اسلام آباد قومی اسمبلی کے سامنے ارکان پارلیمنٹ نے فاٹااصلاحات اور انضمام کے حق میں مشترکہ احتجاجی کیمپ لگایا گیا ہے جس میں الحاج شاہ جی گل آفریدی، شہاب الدین خان، آفتاب شیرپاؤ، سینٹر عبدلرحمان کے علاوہ قبائیلی مشران بھی شریک ہیں۔

احتجاج کرنے والے پارلیمنٹرین نے بازوں پر کالے کپڑے باندھ کر ہاتھوں میں پاکستانی جھنڈے اٹھائے ہوئے ہیں جبکہ اسمبلی کے دیواروں پر مختلف بینرز لگائے گئے ہیں جس میں ایف سی آر کے خلاف اور فاٹا انضمام کے حق میں نعرے درج ہیں۔احتجاج کیمپ میں شامل ممبران پارلیمنٹ پارلیمنٹ الحاج شاہ جی گل آفریدی، شہاب الدین خان اور قومی وطن پارٹی کے سربراہ آفتاب احمد خان شیرپاؤ نے حکومت سے مطالبہ کیا کہ قبائیلی علاقوں سے انگریزوں کے قانون ایف سی آر کو ختم سپریم کورٹ ہائی کورٹ پشاور کا دائرہ اختیار فاٹا تک بڑھایا جائے اور فاٹا کو خیبر پختون خواہ میں ضم کرکے این ایف سی ایوارڈ میں تین فیصد حصہ دیا جائے۔

(جاری ہے)