مزید دو روز تک کراچی سمیت سندھ اور مکران کے ساحلی علاقوں میں دن کے اوقات میں درجہ حرارت میں اضافے کا امکان، آئندہ 24 گھنٹوں کے دوران گلگت بلتستان میں بعض مقامات پر گرج چمک کے ساتھ بارش متوقع، ملک کے دیگر حصوں میں موسم گرم اور خشک رہے گا، محکمہ موسمیات

جمعرات 12 اکتوبر 2017 10:30

اسلام آباد ۔ (اُردو پوائنٹ اخبارتازہ ترین - اے پی پی۔ 12 اکتوبر2017ء) آئندہ دو روز کے دوران کراچی سمیت سندھ اور مکران کے ساحلی علاقوں میں دن کے اوقات میں درجہ حرارت میں اضافے کا امکان ہے جبکہ آئندہ 24گھنٹوں کے دوران ملک کے بیشتر علاقوں میں موسم گرم اور خشک رہے گا اور گلگت بلتستان میں بعض مقامات پر گرج چمک کے ساتھ بارش کی توقع ہے۔

(جاری ہے)

رپورٹ کے مطابق گزشتہ 24 گھنٹوں کے دوران ملک کے بیشتر علاقوں میں موسم گرم اور خشک ر ہا ہے تاہم دیر میں 8 ملی میٹر بارش ریکاڈ کی گئی ہے۔