ہالہ،لٹیروں سے نجات ھاصل کئے بغیر ملک آگے نہیں بڑھ سکتا، شاہ محمود قریشی

اگر کسی نے احتساب کے عمل میں رکاوٹیں ڈالنے کی کوشش کی تو ہم اسلام آباد میں جم غفیر جمع کریں گے، میڈیا سے گفتگو

پیر 16 اکتوبر 2017 23:15

ہالہ،لٹیروں سے نجات ھاصل کئے بغیر ملک آگے نہیں بڑھ سکتا، شاہ محمود ..

ہالہ (اُردو پوائنٹ اخبارتازہ ترین - آئی این پی۔ 16 اکتوبر2017ء) پاکستان تحریک انصاف کے مرکزی رہنما شاہ محمود قریشی نے مخدوم ہاؤس ہالہ میں میڈیا سے گفتگو کرتے ہوئے کہاکہ چاہتے ہیں احتساب کا عمل آگے بڑھے، ملک کو لٹیروں سے نجات دلائے بغیر آگے نہیں بڑھ سکتے اور ہم مقروض رہیں گے۔ انہوں نے کہا اگر کسی نے احتساب کے عمل میں رکاوٹیں ڈالنے کی کوشش کی تو ہم اسلام آباد میں جم غفیر جمع کریں گے کیونکہ ہم نے لوگوں کو عدالتوں پر حملہ کرتے دیکھا ہے۔

(جاری ہے)

شاہ محمود قریشی نے مزید کہا کہ عمران خان کی نا اہلی کا کوئی امکان نظر نہیں آرہا، انہوں نے کہا احسن اقبال وہ نادان دوست ہیں جو نواز شریف کو یہاں تک لے آئے ہیں اور مزید ڈوبونا چاہتے ہیں۔ پی ٹی آئی رہنما نے کہا ہم چاہتے ہیں کہ عزیر بلوچ اور سانحہ ماڈل ٹاؤن کی جے آئی ٹی رپورٹ کو پبلک کیا جائے۔ عمران خان کی الیکشن کمیشن میں پیشی پر انہوں نے کہا کہ عمران خان جب سمجھیں گے کہ انہیں پیش ہونا ہے تو وہ بالکل الیکشن کمیشن میں پیش ہوں گے۔