سیہون میں تحریک انصاف کے جلسے کی راہ میں رکاوٹیں بیمار سیاسی اور شکست خوردہ ذہن کی علامت ہے، فواد چوہدری

بدھ 18 اکتوبر 2017 23:24

اسلام آباد(اُردو پوائنٹ اخبارتازہ ترین - این این آئی۔ 18 اکتوبر2017ء) سیہون میں تحریک انصاف کے جلسے کی راہ میں رکاوٹیں بیمار سیاسی اور شکست خوردہ ذہن کی علامت ہیں۔پیپلزپارٹی المناک انجام سے بچاؤ چاہتی ہے تو معقولیت سے رستہ تلاش کرے۔ یہ بات تحریک انصاف کے قائم مقام مرکزی سیکرٹری اطلاعات فواد چوہدری اپنے ایک بیان میں کہی۔

(جاری ہے)

ان کا کہنا تھا کہ سندھ میں تحریک انصاف اور عمران خان کی راہ میں کانٹے بونے سے پیپلزپارٹی کو مزید شرمندگی سمیٹنی پڑے گی۔

جمہوریت کی مالا جھپنے والی جماعت آمریت کے حربے آزمانے سے گریز کرے۔عمران خان 22 اکتوبر کو انشائ اللّٰ? سیہون آئیں گے اور سندھ کے عوام سے ملیں گے۔یپپلز پارٹی جلسہ گاہ کے گرد دیواریں کھڑی کرکے دیکھ لی, تبدیلی کا سونامی نہیں روک پائے گی۔