عمران خان پاکستان کے اندر نفرت کے بیج بو کر اقتدار حاصل کرنا چاہتے ہیں‘سیدہ ساجدہ حسین

میاں نواز شریف وزیر اعظم پاکستان منتخب ہونگے اور ان کی قیادت میں تعمیر و ترقی کا سفر جاری وساری رہے گا

بدھ 1 نومبر 2017 13:01

مظفرآ باد(اُردو پوائنٹ اخبارتازہ ترین - این این آئی۔ 01 نومبر2017ء) مرکزی رہنما مسلم لیگ ن سید ہ ساجدہ حسین نے کہا ہے کہ عمران خان پاکستان کے اندر نفرت کے بیج بو کر اقتدار حاصل کرنا چاہتے ہیں اس دن پاکستان کا کیا بنے گا جس دن عمران خان اپنے مقاصد میں کامیاب ہوجائیں گئے عمران خان یہودی لابے کے ایجنڈے پر کام کر رہے ہیں ۔عمران خان پاکستان میں عدم استحکام کا جو خواب دیکھ رہے ہیں وہ کبھی شرمندہ تعبیر نہیں ہوگا 2018 کے الیکشن میں میاں محمد نواز شریف کی قیادت میں ایک مرتبہ پھر تاریخ ساز کامیابی حاصل کریں گئے ۔

میاں نواز شریف وزیر اعظم پاکستان منتخب ہونگے اور ان کی قیادت میں تعمیر و ترقی کا سفر جاری وساری رہے گا ان خیالا ت کا اظہار انھوں نے میڈیا سے گفتگو کرتے ہو ئے کیا ان کا کہنا تھا عمران خان اپنے بچے نہیں سنبھال سکے وہ کیا ملک اور قوم کو سنبھالیں گئے عمران خان یہودی لابی کے ساتھ مل کر کونسا نیا پاکستان بنانا چاہتے ہیں عمران نے نیا کے پی کے کیسا بنایا وہ سب کے سامنے ہے پاکستان کو تعمیر و ترقی کے راستے پر نواز شریف نے گامزن کیا اور پاکستا ن کو دنیا کے تعمیر وترقی والے ممالک میں لا کر کھڑا کیا ۔

(جاری ہے)

پاکستان کی معشیت کو مضبوط کیا پاکستان کے اند ر سڑکوں اور پن بجلی کے منصوبو ں کے ڈھیر لگا دیئے آنے والے الیکشن میں مسلم لیگ ن میاں نواز شریف بھرپور کامیابی حاصل کریں گے ۔