کرکٹر عمران خان سیاست میں آ کر بہتان خان بن چکے ہیں‘ترجمان پنجاب حکومت

عمران خان کی سیاست کا محور الزام تراشی اور شہبازشریف کی سیاست عوامی خدمت ہے‘ملک محمد احمد خان

جمعہ 3 نومبر 2017 20:10

لاہور (اُردو پوائنٹ اخبارتازہ ترین - این این آئی۔ 03 نومبر2017ء) حکومت پنجاب کے ترجمان اور رکن صوبائی اسمبلی ملک محمد احمد خان نے کہا ہے کہ کرکٹر عمران خان سیاست میں آ کر بہتان خان بن چکے ہیں عمران خان کے بیان پر تبصرہ کرتے ہوئے ترجمان حکومت پنجاب ملک محمد احمد خان نے کہا کہ شہبازشریف کے ترقیاتی ویژن کی وجہ سے سیاسی مخالفین کا مستقبل تاریک ہو چکا ہے۔

(جاری ہے)

پنجاب میں بدلتی ہوئی صورتحال دیکھ کر عمران خان بوکھلا چکے ہیں۔ انہوں نے کہا کہ عمران خان کی سیاست الزام تراشی پر مبنی ہوتی ہے اور شہبازشریف کی سیاست کا محور ہمیشہ سے عوامی خدمت ہے۔ ملک محمد احمد خان نے کہا کہ پنجاب میں روزبروز ترقی دیکھ کر خیبرپختونخوا کے عوام رشک کرتے ہیں۔ صوبہ بھر کے دیہات میںکھیت سے منڈی تک ہزاروں کلومیٹر پختہ سڑکیں تبدیلی اور ترقی کا منہ بولتا ثبوت ہیں۔ 100 ارب کے کسان پیکج سے پنجاب کے کسان کی قسمت بدل کئی۔ عمران خان اور ان کے حواری یہ دیکھ کر پریشان ہیں۔