چیئرمین پی اے سی نے آڈٹ حکام کی جانب سے نیو بے نظیر انٹرنیشنل ایئرپورٹ کو نیو اسلام آباد ایئرپورٹ کہنے پر جھڑک دیا

حکومت نے ایئرپورٹ کا جو نام دیا ہے وہی بتایا جائے،آڈٹ اور ایوی ایشن حکام اس بات کاآئندہ خیال رکھے، خورشید شاہ

منگل 7 نومبر 2017 20:42

چیئرمین پی اے سی نے آڈٹ حکام کی جانب سے نیو بے نظیر انٹرنیشنل ایئرپورٹ ..

اسلام آباد (اُردو پوائنٹ اخبارتازہ ترین - آئی این پی۔ 07 نومبر2017ء) پارلیمنٹ کی پبلک اکائونٹس کمیٹی کے اجلاس میں چیئرمین کمیٹی سید خورشید شاہ نے آڈٹ حکام کی جانب سے نیو بے نظیر انٹرنیشنل ایئرپورٹ کو نیو اسلام آباد ایئرپورٹ کہنے پر جھڑک دیا،خورشید شاہ نے کہا کہ حکومت نے ایئرپورٹ کا جو نام دیا ہے وہی بتایا جائے،آڈٹ اور ایوی ایشن کی وزارت اس بات کا خیال رکھے۔

(جاری ہے)

منگل کو پارلیمنٹ کی پبلک اکائونٹس کمیٹی کے اجلاس میں آڈٹ حکام کی جانب سے نیو بے نظیر انٹرنیشنل ایئرپورٹ کے حوالے سے جب آڈٹ اعتراض پیش کیا جا رہا تھا تو اس وقت چیئرمین کمیٹی سید خورشید شاہ نے آڈٹ حکام کو ٹوک دیا اور کہا کہ خیال کریں یہ نیو اسلام آباد ایئرپورٹ نہیں بلکہ نیو بے نظیر انٹرنیشنل ایئرپورٹ ہے، آڈٹ حکام اور وزارت ایوی ایشن آئندہ اس بات کا خیال رکھے۔حکومت نے جو نام ایئرپورٹ کو دیا ہے وہی نام لکھا اور پڑھا جائے۔