پاکستان پیپلز پارٹی کا نئی حلقہ بندیوں پر حکومتی بل کی حمایت کا فیصلہ

پیپلزپارٹی نے ہمیشہ عوامی اور آئینی موقف اپنایا،شکر ہے حکومت کو دیر سے ہی مگر بات سمجھ آگئی ہے،خورشید شاہ

پیر 13 نومبر 2017 21:24

اسلام آباد(اُردو پوائنٹ اخبارتازہ ترین - این این آئی۔ 13 نومبر2017ء) پاکستان پیپلز پارٹی نے نئی حلقہ بندیوں پر حکومتی بلٴْ کی حمایت کا فیصلہ کرتے ہوئے کہا ہے کہ حکومت نے معاملہ سی سی آئی میں لے جا کر ہمارا مطالبہ تسلیم کرلیا ہے۔ شکر ہے حکومت کو دیر سے ہی مگر بات سمجھ آگئی ہے ۔

(جاری ہے)

ایک بیان میں اپوزیشن لیڈر خورشید شاہ نے کہا کہ حکومت نے معاملہ سی سی آئی میں لے جانے کا ہمارا مطالبہ تسلیم کر لیا ہے۔

انہوںنے کہاکہ عوامی اور آئینی موقف اپنایا تھا شکر ہے حکومت کو دیر سے ہی سہی لیکن بات سمجھ آ گئی۔اپوزیشن لیڈر نے کہاکہ پیپلزپارٹی نے ہمیشہ عوامی اور آئینی موقف اپنایا۔ انہوںنے کہاکہ پیپلزپارٹی کے موقف سے پارلیمان اور جمہوری اداروں میں مزید نئی حلقہ بندیوں کی آئینی بل 2017 کی حمایت کریں گے۔