عام انتخابات اور بلاول بھٹو کے ملتان جلسہ کی تیاریاں،سابق وزیراعظم گیلانی نے عوامی رابطہ مہم کا آغازکردیا

یوسف رضا کا متوقع حلقہ انتخاب این ای152کا دورہ، عوام کی جانب سے شانداراستقبال پارٹی نے مجھے الیکشن میں حصہ لینے کو کہا تو این اے 152سے الیکشن لڑنا میری پہلی ترجیح ہوگی،سابق وزیراعظم

منگل 14 نومبر 2017 20:04

عام انتخابات اور بلاول بھٹو کے ملتان جلسہ کی تیاریاں،سابق وزیراعظم ..

ملتان(اُردو پوائنٹ اخبارتازہ ترین - آئی این پی۔ 14 نومبر2017ء) سابق وزیراعظم وپیپلزپارٹی کے سینئروائس چیئرمین سیدیوسف رضا گیلانی نے عام انتخابات اور15دسمبرکو پارٹی چئیرمین بلاول بھٹوزرداری کے ملتان جلسہ کی تیاریوں کے حوالے سے عوامی رابطہ مہم کا آٖغاز کردیا،سابق وزیراعظم نے گزشتہ روزاپنے ملتان میں اپنے متوقع حلقہ انتخاب این اے 152کا دورہ کیا،اس موقع پرحلقہ کے لوگوں اور پارٹی کارکنوں نے ان کا شانداراستقبال کیا،ان کے قافلے پر منوں پھولوں کی پتیاں نچھاور کیں،سابق وزیراعظم سیدیوسف رضاگیلانی کا اس موقع پرحلقہ کے لوگوں سے خطاب کرتے ہوئے کہنا تھا کہ اگر پارٹی نے مجھے الیکشن میں حصہ لینے کو کہا تو این اے 152سے الیکشن لڑنا میری پہلی ترجیح ہوگی۔

(جاری ہے)

انہوں نے کہا کہ 15دسمبرکو چیئرمین بلاول بھٹوزرداری کا ملتان جلسہ جنوبی پنجاب میں نئی تاریخ رقم کرے گا۔بلاول بھٹوزرداری کا ملتان آمد پرشانداراستقبال کیا جائے گا۔