افغانستان میں بدامنی پاکستانی معیشت کیلئے سیکیورٹی رسک ہے‘اعزاز چوہدری

بدھ 15 نومبر 2017 11:45

واشنگٹن(اُردو پوائنٹ اخبارتازہ ترین - آئی این پی۔ 15 نومبر2017ء) امریکہ میں تعینات پاکستانی سفیر اعزاز چوہدری نے کہا ہے کہ افغانستان میں بدامنی پاکستانی معیشت کیلئے سیکیورٹی رسک ہے‘ دہشتگرد افغان حکومت کی عملداری نہ ہونے کی وجہ سے پاکستان پر حملے کرتے ہیں،جس پر تحفظات ہیں‘امن کی بحالی کیلئے امریکہ کے ساتھ کام کرنے کو تیار ہیں‘پاکستانی فورسزدہشتگردی کوجڑسے ختم کررہی ہیں،پاکستان ایک ابھرتی ہوئی معیشت کے طور پر سامنا آرہا ہے۔

وہ بدھ کو واشنگٹن میں امریکی سینیٹر جیک ریڈ سے ملاقات کے دوران بات چیت کر رہے تھے۔ ملاقات میں افغانستان میں امن کی بحالی کیلئے کی جانے والی کوششوں اور دیگر اہم امور پر تبادلہ خیال کیا گیا۔ملاقات کے دوران پاکستانی سفیر نے افغانستان کے بیشتر علاقوں میں افغان حکومت کی عمل داری نہ ہونے پر تحفظات کا اظہار کیا۔

(جاری ہے)

اس موقع پراعزازچوہدری نے امریکی سینیٹر کو بتایا کہ افغانستان میں بدامنی پاکستانی معیشت کیلئے سیکیورٹی رسک ہے،دہشتگرد افغان حکومت کی عملداری نہ ہونے کی وجہ سے پاکستان پر حملے کرتے ہیں،جس پر تحفظات ہیں۔

ان کا کہنا تھا کہ افغانستان میں امن کیلئے پاکستان امریکہ کے ساتھ مل کرکام کرنے کوتیارہے، پاکستان میں سیکیورٹی صورتحال میں نمایاں بہتری آئی ہے۔ اعزاز چوہدری نے کہا کہ پاکستانی فورسزدہشتگردی کوجڑسے ختم کررہی ہیں،پاکستان ایک ابھرتی ہوئی معیشت کے طور پر سامنا آرہا ہے۔…