جسٹس محمد یاور علی نے قائم مقام چیف جسٹس لاہورہائیکورٹ کی حیثیت سے حلف اٹھا لیا

جمعہ 17 نومبر 2017 16:15

لاہور۔17 نومبر(اُردو پوائنٹ اخبارتازہ ترین - اے پی پی۔ 17 نومبر2017ء) لاہور ہائیکورٹ کے سینئر ترین جج جسٹس محمد یاور علی نے قائم مقام چیف جسٹس لاہورہائی کورٹ کی حیثیت سیحلف اٹھا لیا، سینئر جج جسٹس محمد انوارالحق نے ان سے جمعہ کولاہور ہائیکورٹ کے ججز لائونج میں حلف لیا، حلف برداری کی تقریب میں لاہورہائی کورٹ کے ججز، ایڈووکیٹ جنرل، ڈپٹی اٹارنی جنرل، صدر اور سیکرٹری لاہور ہائیکورٹ بار ایسوسی ایشن، وکلاء و دیگر آفیسرز موجود تھے، مزید براں چیف جسٹس لاہور ہائی کورٹ سید منصور علی شاہ دورہ پر لندن روانہ ہو گئے ہیں، وہ 28 نومبر تک دورے پر ہونگے۔

(جاری ہے)

ان کی عدم موجودگی میں لاہور ہائی کورٹ کے سینئر ترین جج مسٹر جسٹس محمد یاور علی قائم مقام چیف جسٹس کے فرائض انجام دیں گے۔