آزادی مفت میں نہیں ملتی،

اس کی قیمت دھرتی کے بیٹے ادا کرتے ہیں، آرمی چیف

منگل 12 دسمبر 2017 12:32

راولپنڈی (اُردو پوائنٹ اخبارتازہ ترین - آئی این پی۔ 12 دسمبر2017ء) آرمی چیف جنرل قمر جاوید باجوہ نے شمالی وزیرستان میں پاک فوج کے 2 جوانوں کی شہادت پر شہدا کو سلام پیش کرتے ہوئے کہا ہے کہ آزادی مفت میں نہیں ملتی، اس کی قیمت دھرتی کے بیٹے ادا کرتے ہیں۔

(جاری ہے)

ترجمان پاک فوج میجر جنرل آصف غفور نے سماجی رابطے کی ویب سائٹ ٹوئٹر پر آرمی چیف کا بیان جاری کیا جس میں انہوں نے شمالی وزیرستان میں پاک فوج کے 2 جوانوں کی شہادت پر شہدا کو سلام پیش کیا اور کہا کہ آج ہم جو آزاد ہیں وہ اپنے بہادر بیٹوں کی وجہ سے ہیں، آزادی مفت میں نہیں ملتی اس کی قیمت دھرتی کے بیٹے ادا کرتے ہیں۔