محکمہ سکول ایجوکیشن ایجوکیٹرز کی بھرتی کیلئے این ٹی ایس امتحان کو شفاف و منظم بنانے کیلئے خود مانیٹرنگ کریگا

جمعہ دسمبر 20:17

لاہور(اُردو پوائنٹ اخبارتازہ ترین۔ 22 دسمبر2017ء) محکمہ سکول ایجوکیشن ایجوکیٹرز کی بھرتی کیلئے این ٹی ایس کے امتحان کو شفاف اور منظم بنانے کیلئے خود مانیٹرنگ کرے گا، اس حوالے سے مراسلہ بھی جاری کردیا ۔

(جاری ہے)

تفصیلات کے مطابق ایجوکیٹرز کی بھرتی کیلئے این ٹی ایس کا امتحان 28، 29 اور 30 دسمبر کو لیا جائے گا جس کی مانیٹرنگ محکمہ سکول ایجوکیشن خود کرے گا، این ٹی ایس کے امتحان کے ذریعے 16 ہزار ایجوکیٹرز کی بھرتی ہوگی مراسلے میں کہا گیا ہے کہ ڈسٹرکٹ ایجوکیشن اتھارٹی امتحان کو شفاف بنانے میں اپنا کردار ادا کرے گی، سوالیہ پیپرز کے بنڈل سی ای او ایجوکیشن اور ڈی ای او سکینڈری ایجوکیشن کی نگرانی میں کھولے جائیں گے۔

اسسٹنٹ ایجوکیشن آفیسرز متعلقہ امتحانی سنٹرز کا دورہ کریں گے۔ امتحان کو مکمل طور پر شفاف اور منظم طریقے سے سر انجام دینے کیلئے ہرممکن تعاون بھی فراہم کیا جائے گا۔