پنجاب یونیورسٹی نے آل پاکستان ایچ ای سی انٹر یونیورسٹی ہاکی چیمپن شپ جیت لی

ہفتہ 6 جنوری 2018 21:52

لاہور۔6 جنوری(اُردو پوائنٹ اخبارتازہ ترین - اے پی پی۔ 06 جنوری2018ء) پنجاب یونیورسٹی نے چھتیسویں آل پاکستان انٹر یونیورسٹی ہائر ایجوکیشن کمیشن ویمن ہاکی چیمپن شپ 2017-18 لاہور کالج فار ویمن یونیورسٹی کو ایک صفر سے شکست دے کراپنے نام کر لی۔

(جاری ہے)

تفصیلات کے مطابق دونوں ٹیموں کے مابین جوہر ٹائون سٹیڈیم میں کھیلے گئے فائنل مقابلے کے میں پنجاب یونیورسٹی کی جانب سے سنٹر فارورڈ نورینہ خلیل نے میچ کا واحد گول کر کے اپنی ٹیم کو برتری دلوائی جو آخر تک قائم رہی۔

اسی طرح یونیورسٹی آف سرگودھا کی ٹیم نے گورنمنٹ کالج یونیورسٹی برائے خواتین فیصل آباد کو ایک صفر سے شکست دے کر تیسری پوزیشن حاصل کی۔ چیمپن شپ کے اختتام پرڈائریکٹر سپورٹس گورنمنٹ کالج برائے خواتین باغبانپورہ غزالہ طارق نے کامیاب کھلاڑیوں میں انعامات تقسیم کئے ۔ اس موقع پر ایونٹ کے آگنائزنگ سیکریٹری اورڈائریکٹر سپورٹس پنجاب یونیورسٹی ڈاکٹر محمد ظفر اقبال بٹ ،آفیشلز و دیگر بھی موجو دتھے۔

Facebook Twitter Google + Share on Whatsapp

پنجاب یونیورسٹی نے آل پاکستان ایچ ای سی انٹر یونیورسٹی ہاکی چیمپن شپ جیت لی

متعلقہ عنوان :

مزید تعلیم کی خبریں