پولیس نے کمسن بچی سے زیادتی کےملزم پکڑنے کیلئے والدین سے رشوت مانگ لی،عدم گرفتاری پر والد کی خودسوزی کی دھمکی

Syed Fakhir Abbas سید فاخر عباس جمعہ جنوری 20:50

پولیس نے کمسن بچی سے زیادتی کےملزم پکڑنے کیلئے والدین سے رشوت مانگ ..
خانیوال (اردو پوائنٹ تازہ ترین اخبار - 12جنوری 2018ء ): خانیوال میں پولیس نے 8سالہ کمسن بچی سے زیادتی کےملزم پکڑنے کیلئے والدین سے رشوت مانگ لی،عدم گرفتاری پر والد کی خودسوزی کی دھمکی دے دی۔تفصیلات کے مطابق غریب رکشہ ڈرائیور شاہد جلیل کی تیسری کلاس میں پڑھنے والی 8 سالہ بیٹی علیزہ مریم اپنے ساتھ ہونے والے ظلم پر انصاف کی منتظر ہے۔کچھ عرصہ قبل کمسن مریم اپنے گھر کی گلی میں دکان پر گئی تو وہاں پر محمد خان نامی ملزم نے اسے اغوا کرنے کے بعد ہوس کا نشانہ بنا ڈالا۔

میڈیکل کے بعد پولیس نے مقدمہ تو درج کر لیالیکن 12 روز گزرنے کے باوجود ملزم تاحال گرفتار نہیں کیا جسکا۔ دوسری جانب پولیس تھانہ سٹی نے غریب رکشہ ڈرائیور شاہد جلیل سے رشوت طلب کر لی کہ ہمیں پیسے دو پھر ہم ملزم کو گرفتار کریں گے۔ ڈی ایس پی صدر نے بھی غریب رکشہ ڈرائیور کو اپنے دفتر میں بلا کر کہا کہ تم کسی صحافی کے پاس مت جانا اور نہ ہی پولیس کی کسی کو شکایت کرنا‘ غریب رکشہ ڈرائیور شاہد جلیل نے انصاف نہ ملنے پر وزیراعظم ہائوس جاکرخودسوزی کا اعلان کر دیا۔

Your Thoughts and Comments