میرپور ماتھیلو میں دو مختلف واقعات میں دو افراد کی لاشیں برآمد
تفصیلات ملک بھر سے امراض قلب میں مبتلا مریض ایشیاء کے سب سے بڑے اسپتال میں آکر اپنا مفت علاج کروائیں، بلاول بھٹو زرداری سیہون انسانیت کی پناہ گاہ ہے، ہر رنگ، نسل اور فرقے کے لوگ روحانیت اور سکون کی خاطر یہاں آتے ہیں، چوتھے سیٹلائٹ سینٹر کا افتتاح
جمعہ 12 جنوری 2018 23:08
(جاری ہے)
وزیراعلی مراد علی شاہ، وزیر صحت سکندر مندھرو، وزیر اطلاعات ناصر شاہ، ڈاکٹر ندیم قمر، ارکانِ صوبائی کابینا، ارکانِ قومی و صوبائی اسمبلی اور پارٹی عہدیدارن بھی اس موقعے پر موجود تھے۔
بلاول بھٹو زرداری نے کہا کہ امراض قلب کا وہ علاج جس کے اخراجات فقط امیر لوگ برداشت کر سکتے تھے،آج وہی علاج روزانہ ہزاروں مریضوں کو بلکل مفت فراہم کیا جا رہا ہے۔ ان نئے قائم کردہ سینٹرز سے امیر ہوں یا غریب استفادہ حاصل کرسکتے ہیں۔ پی پی پی چیئرمین نے کہا کہ صوبہ سندہ نے عوام کو صحت کی سہولیات کی فراہمی میں باقی صوبوں کو پیچھے چھوڑ دیا ہے، لیکن پھر بھی کچھ لوگ حکومت سندہ کی کارکردگی پر سوال اٹھاتے رہتے ہیں۔ انہوں نے نشاندہی کی کہ دنیا بھر میں سائبر نائیف مشینوں کی کل تعداد 250 ہے، لیکن پاکستان میں اگر یہ ٹیکنالاجی کہیں موجود ہے تو وہ فقط سندہ میں ہے۔ دنیا کے دیگر ممالک میں اس طرح کے علاج پر 60 سے 70 لاکھ خرچہ آتا ہے، لیکن حکومت سندہ ایک روپیہ بھی لیئے بغیر یہ سہولیات فراہم کر رہی ہے۔ بلاول بھٹو زرداری نے کہا کہ جو لوگ سندہ سے محبت کے دعویدار ہیں، وہ کبھی بھی صوبے کا مثبت پہلو آشکار نہیں کرتے اور وہ لوگوں کو یہ نہیں بتاتے کہ حکومت سندہ صحت کے شعبے میں اس طرح کی بہترین سہولیات فراہم کر رہی ہے۔ پی پی پی چیئرمین نے نشاندہی کی کہ بینظیر انکم سپورٹ پروگرام کے علاوہ، پی پی پی حکومت نے سندہ میں یونین کائونسل سطح پر غربت کے خاتمے کا پروگرام شروع کیا، جس نے 6 لاکھ خاندانوں کو غربت سے نکالا اور اب حکومت خواتین کے لیئے بلا سود قرضے میں اضافہ کر رہی ہے۔ انہوں نے مزید کہا کہ یہ ہمارے لیئے باعثِ فخر ہے کہ این آئی سی وی ڈی نے گذشتہ تین سالوں کے دوران بہت بڑی تبدیلیاں لے آئی اور اب وہ عارضہ قلب کے علاج کی بہت بڑی ہسپتال ہے۔ بلاول بھٹو زرداری نے کہا کہ عوام کو صحت کی بھتر سہولیات کی فراہمی کے متعلق اپنے شہید قائدین سے کیئے گئے عہد پر پیپلز پارٹی قائم ہے، جبکہ اس کے مخالفین نے لاہور کی صرف ایک سڑک کو شوپیس بنانے کی خاطر عوام کے خون پسینے سے کمائے اربوں روپے لگا دیئے ہیں۔ انہوں نے کہا کہ آج وہ قلندر کی اس نگری میں کھڑے ہیں جہاں دہشتگردوں نے دہمال پر حملہ کیا تھا۔ دہشتگردوں کے خلاف کھڑا ہونے اور ان کے خلاف ایک لفظ بھی بولنے کے بجائے ہماری مخالفین نے اس واقعے کو سانحہ اسپتال میں تبدیل کردیا۔ میں ہمارے مخالفین سے کہتا ہوں کہ وہ اتنا پستی کی جانب نہ گریں کہ وہ مادرِ وطن کی دشمنی بن جائے۔ انہوں نے مزید کہا کہ آج وہ اس اسپتال میں موجود ہیں جہاں سیہون سانحے کے زخمیوں کا علاج کے لیئے لایا گیا تھا۔ انہوں نے کہا کہ سیہون کا این آئی سی وی ڈی سیٹلائیٹ سینٹر کارڈیئک امرجنسی کیئر، پرائمری پی سی آئی، اِی سِی جِی اور کارڈیئک کیئر سروسز بلکل مفت فراہم کرے گا۔ بلاول بھٹو زرداری نے کہا کہ سندہ نے عالمی معیار کی ایک اور ہسپتال گمبٹ انسٹیٹیوٹ آف میڈیکل سائنسز میں جگر کی پیوندکاری کی سہولیات مفت فراہم کر رہا ہے، جہاں پر پی پی پی حکومت نے جرمنی کے ماہر ڈاکٹرز کو مقرر کیا ہوا ہے، جو جگر کی پیوندکاری مفت کرتے ہیں۔ سندہ پہلے ہی سے گردے کی پیوندکاری کی مفت سہولیات فراہم کر رہا ہے، جبکہ پی پی پی حکومت نے ٹھٹہ اور سجاول کے اضلاع میں مفت ایمولینس سروس چلا رہی ہے اور اس پروجیکٹ کو دیگر اضلاع تک بڑہایا جائیگا۔ کراچی میں شہید محترمہ بینظیر بھٹو ٹراما سینٹر بنایا گیا اور وہ اب فعال بھی ہے، جبکہ حکومت نے انڈس اسپتال کے اشتراک سے بدین میں تھیلیسمیا کے شکار بچوں کے لیئے اور 300 بستروں کی جدید اسپتال بنائی۔ پی پی پی چیئرمین نے کہا کہ سندہ میں صحت کی سہولیات کو دیکھتے ہوئے شوباز شریف نے ایک نامکمل ہسپتال کا افتتاح کیا، لیکن پیپلز پارٹی پنجاب میں اقتدار میں آکر اس ہسپتال کو مکمل کرے گی۔ انہوں نے مزید کہا کہ سندہ کی طرح پنجاب کے ہر ضلعے میں وہ جدید اسپتال قائم کریں گے۔ بلاول بھٹو زرداری نے کہا کہ این آئی سی وی ڈی سیٹلائیٹ سینٹرز سکھر، نوابشاہ، خیرپور اور مٹھی میں بھی قائم کیئے جائیں گے۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.