چیف جسٹس آف پاکستان میاں ثاقب نثار نے نئی مثال قائم کردی

چیف جسٹس کی وی آئی پی پروٹوکول کے بغیر بانیِ پاکستان قائد اعظم محمد علی جناح کے مزار پر عام شہری کی طرح حاضری

ہفتہ 13 جنوری 2018 22:50

چیف جسٹس آف پاکستان میاں ثاقب نثار نے نئی مثال قائم کردی

کراچی(اُردو پوائنٹ اخبارتازہ ترین - این این آئی۔ 13 جنوری2018ء) چیف جسٹس آف پاکستان میاں ثاقب نثار نے ہفتہ کووی آئی پی پروٹوکول کے بغیر بانیِ پاکستان قائد اعظم محمد علی جناح کے مزار پر عام شہری کی طرح حاضری دی۔تفصیلات کے مطابق چیف جسٹس آف پاکستان میاں ثاقب نثار نے وی آئی پی پروٹوکول کے بغیر بانیِ پاکستان قائد اعظم محمد علی جناح کے مزار پر عام شہری کی طرح حاضری دے کر نئی مثال قائم کردی۔

(جاری ہے)

اس کے بعد چیف جسٹس آف پاکستان کی سربراہی میں سپریم کورٹ کراچی رجسٹری میں سڑکوں پر وی آئی پی مومنٹ کے معاملے کی سماعت ہوئی۔ آئی جی سندھ سمیت دیگر اعلی افسران پیش ہوئے۔ آئی جی سندھ نے بیان دیا کہ وی آئی پی لوگوں کے لئے عارضی طور پر سڑکیں بند کی جاتی ہیں، جس پر چیف جسٹس نے استفسار کیا کہ میں نے کبھی کہا کہ مجھے وی آئی پی پروٹوکول دیا جائی عدالت نے آئی جی سندھ کو دو منٹ سے زیادہ سڑکیں بلاک کرنے سے روک دیا۔عدالت نے حکم دیا کہ یہ حکم صرف کراچی کے لئے نہیں بلکہ پورے ملک کے لئے ہے، پورے ملک میں اس پر عملدرآمد کیا جائے جبکہ بلو بک کے مطابق عملدرآمد ہر گز نہ کیا جائے۔ عدالت نے فیصلہ سناتے ہوئے درخواست نمٹا دی۔