ایف بی آر نے مالی سال 2018-19ئ کیلئے تمام شراکت داروں سے کسٹمز سے متعلق بجٹ تجاویز طلب کر لیں

جمعہ 19 جنوری 2018 20:03

اسلام آباد (اُردو پوائنٹ اخبارتازہ ترین - آن لائن۔ 19 جنوری2018ء) فیڈرل بورڈ آف ریونیو ( ایف بی آر) نے آئندہ مالی سال 2018-19ئ کے لئے تمام شراکت داروں سے کسٹمز سے متعلق بجٹ تجاویز طلب کر لیں۔ یہ تجاویز 31جنوری تک ایف بی آر تو پیش کی جاسکیں گی۔ ایف بی آر حکام کے مطابق آئندہ مالی سال کے لئے کسٹمز سے متعلق تجاویز کی تیاری کے کام کا آغاز کردیا گیا ہے۔

(جاری ہے)

کسٹمز بجٹ سیکشن نے متعلقہ شراکت داروں سے 31 جنوری 2018ئ تک بجٹ تجاویز طلب کی ہیں تاکہ انہیں نئے مالی سال کے بجٹ سازی کے عمل میں شامل کیاجاسکے۔ ا س سلسلہ میں ایف بی آر نے تین مختلف ایم ایس ایکسل تیار کئے ہیں جس سے تجاویز پیش کرنے میں سہولت ہو گی۔ بجٹ تجاویز دینے کے خواہشمند متعلقہ شراکت دار ای میل ایڈریس [email protected] کے ذریعے اپنی تجاویز بھیج سکتے ہیں۔ یہ تجاویز ٹیکس قوانین میں بہتری، ٹیکس کی بنیاد میں وسعت دینے ، جی ڈی پی میں ٹیکس کا حجم بڑھانے اور ٹیکس گزاروں کی سہولیات سے متعلق ہونی چاہیے۔ ۔