وزیراعظم شاہد خاقان عباسی نے دریائے سندھ پر کلور کوٹ پل کی تعمیر کا سنگ بنیاد رکھ دیا

ہفتہ 20 جنوری 2018 17:46

کلورکوٹ(اُردو پوائنٹ اخبارتازہ ترین - این این آئی۔ 20 جنوری2018ء) وزیراعظم شاہد خاقان عباسی نے دریائے سندھ پر کلور کوٹ پل کی تعمیر کا سنگ بنیاد رکھ دیا جس پر تین ارب روپے لاگت آئیگی اور یہ 18 ماہ میں مکمل ہو گا۔ ہفتہ کو کلورکوٹ میں انہوں نے پل کا سنگ بنیاد رکھا۔

(جاری ہے)

پل ڈیرہ اسماعیل خان اسلام آباد موٹروے سے منسلک اور سی پیک کا حصہ ہو گا۔ پل کی تعمیر پر تین ارب روپے لاگت آئے گی، 18 ماہ میں مکمل ہو گا ،ْپل بھکر کو ڈیرہ اسماعیل خان کے علاقے ڈھکی سے ملائے گا۔ کلور کوٹ اور ڈھکی کے درمیان فاصلہ 80 کلومیٹر سے کم ہو کر 15 کلومیٹر رہ جائے گا۔ پل سے صوبوں کے پی کے اور پنجاب کے درمیان زرعی اجناس اور دیگر اشیاء کی ترسیل میں آسانی ہو گی۔ چار رویہ پل کی لمبائی 1288 میٹر ہے۔