لاہور ہائیکورٹ نے تلور کے شکار پر پابندی کا فیصلہ واپس لے لیا

عدالت نے تلور کے شکار پر پابندی کیخلاف درخواستوں پر وکلا دلائل کیلئے 8 فروری کو طلب

بدھ 31 جنوری 2018 22:12

لاہور(اُردو پوائنٹ اخبارتازہ ترین - آئی این پی۔ 31 جنوری2018ء) لاہور ہائیکورٹ نے تلور کے شکار پر پابندی کا فیصلہ واپس لے لیا‘عدالت نے تلور کے شکار پر پابندی کیخلاف درخواستوں پر وکلا کو دلائل کیلئے 8 فروری کو طلب کر لیا۔چیف جسٹس لاہور ہائیکورٹ جسٹس منصور علی شاہ نے تلور کے شکار پر پابندی کا عبوری فیصلہ واپس لے لیا۔

(جاری ہے)

چیف جسٹس لاہور ہائیکورٹ جسٹس منصور علی شاہ نے چند روز قبل تلور کے شکار پر ایک برس کیلئے پابندی عائد کی تھی۔

چیف جسٹس منصور علی شاہ نے تلور شکار پر پابندی کا فیصلہ واپس لیتے ہوئے ریمارکس دیئے کہ کمیشن کی رپورٹ کا تفصیلی جائزہ لینے پر مزید حقائق سامنے آئے ہیں، تلور کے شکار پر پابندی سے قبل کمیشن کی رپورٹ پر تفصیلی بحث کی ضرورت ہے۔چیف جسٹس لاہور ہائیکورٹ جسٹس منصور علی شاہ نے حکم دیا کہ فریقین کے وکلا8 فروری کو پیش ہو کر دلائل دیں۔