عیسائی برادری کے روزے کے دوران شراب کی دکانیں اور اسکی خرید و فروخت بند رکھی جائے،کرسچن پیس الائنس پاکستان

بدھ 14 فروری 2018 23:50

حیدرآباد (اُردو پوائنٹ اخبارتازہ ترین - اے پی پی۔ 14 فروری2018ء) کرسچن پیس الائنس پاکستان نے حکومت سے مطالبہ کیا ہے کہ عیسائی برادری کے روزے کے دوران شراب کی دکانیں اور اسکی خرید و فروخت بند رکھی جائے اعلامیہ میں بتایا گیا ہے کہ 14فروری سے یکم اپریل تک مسیحی برادری کی جانب سے ایسٹر منایا جاتا ہے اس دوران عیسائی برادری اپنے عقائد و طریقہ کے مطابق روزے کا اہتمام کرتی ہے اس دوران ہمارا مطالبہ ہے کہ شراب کی دکانیں بند رکھی جائیں اور شراب کی خرید و فروخت بھی نہ کی جائے اعلامیہ میں کہا گیا ہے کہ جس طرح مسلمانوں کے روزوں کا احترام کیا جاتا ہے عیسائیوں کے روزے کا بھی احترام کیا جائے۔