کراچی، انتظار قتل کی نئی جے آئی ٹی کے تیسرے اجلاس میں مقتول کے والد کو وکیل کے ہمراہ سی پی او آفس بلا گیا

منگل 27 فروری 2018 20:52

کراچی(اُردو پوائنٹ اخبارتازہ ترین - آن لائن۔ 27 فروری2018ء) کراچی کے علاقے ڈیفنس میں اے سی ایل سی اہلکاروں کی فائرنگ سے ہلاک ہونے والے نوجوان انتظار قتل کی نئی جے آئی ٹی کے تیسرے اجلاس میں ایڈیشنل آئی جی کی جانب سے تحفظات جاننے کے لئے مقتول کے والد کو وکیل کے ہمراہ سی پی او آفس بلا گیا،اجلاس میں کہا گیا کہ جی آئی ٹی دو روز میں رپورٹ پیش کردے گی۔

(جاری ہے)

کراچی پولیس ہیڈ آفس میں ایڈیشنل آئی جی کراچی کی جانب سے ڈیفنس میں قتل ہونے والے نوجوان انتظار قتل کیس کی نئی جے آئی ٹی ممبران اور مقتول کے والد کو وکیل کے ہمراہ بلایا گیا،مقتول انتظار کے والد کے وکیل کا کہنا تھا کہ اجلاس میں ایڈیشنل آئی جی نے بتایا کہ جے آئی ٹی ایک سے دو روز میں رپورٹ مکمل کر کے کاپی ہمیں بھی فراہم کرے گی۔انتظار قتل کیس کے وکیل کا کہنا تھا کہ جو جے آئی ٹی کے پہلے اجلاس میں بتا چکے تھے وہی آج مزید تفصیل سے بتایا،پراسیکیوشن ڈپارٹمنٹ نے بھی انسداد دہشت گردی کی دفعہ لگانے کی سفارش کی ہے۔

سی پی او میں ہونے والے اجلاس کے بعد مقتول کے والد کا کہنا تھا کہ میرے بیٹے کو قتل کیا گیا ہے ، واقعہ حادثہ نہیں ٹارگٹ کلنگ کا ہے۔ واقعے میں ملوث اہلکاروں کو جے آئی ٹی ممبران قصور وار ٹہرا کر سزا دیں۔